ସାଲେପୁର,୨୪/୦୨: ବିଳମ୍ବିତ ରାତ୍ରିରେ ଭୟଭୟ ଅଗ୍ନିକାଣ୍ଡ l ଜଳିଗଲା ଲକ୍ଷାଧିକ ଟଙ୍କାର ସମ୍ପତ୍ତି । ଏପରି ଅଭାବନୀୟ ଘଟଣା ସାମ୍ନାକୁ ଆସିଛି କଟକ ଜିଲ୍ଲାର ସାଲେପୁରରେ । ସୂଚନାନୁସାରେ, ସାଲେପୁର ବ୍ଲକ ଭୀମଦାସପୁର ଗ୍ରାମର ଅଲେଖ ଚନ୍ଦ୍ର ବିଶ୍ଵାଳଙ୍କ ଗୁହାଳ ଘରେ ବୁଧବାର ରାତି ପ୍ରାୟ ସାଢେ ଦୁଇଟାରେ ନିଆଁ ଲାଗିଯାଇଥିଲା । ନିଆଁ ଲାଗିବାରୁ ତିନୋଟି ଗାଈ ଜୀବନ୍ତ ଦଗ୍ଧ ହୋଇଯାଇଥିଲେ l ଗୁହାଳ ଘର ସମତେ ଆଉ ଦୁଇ ଆଜବେଷ୍ଟସ ବଖରା ଘର ପୁରା ଜଳି ଭସ୍ମିଭୂତ ହୋଇଯାଇଛି l ଖବର ପାଇ ସାଲେପୁର ଅଗ୍ନିଶମ ବିଭାଗ ଓ ସ୍ଥାନୀୟ ଲୋକେ ନିଆଁକୁ ଆୟତ୍ତ କରିଥିଲେ । ତେବେ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି ।
