ବାଙ୍କୀ : କରୋନାର ଦ୍ବିତୀୟ ଲହର ସହରଠାରୁ ଗାଁ ପର୍ଯ୍ୟନ୍ତ ବ୍ୟାପକ ହେବାରେ ଲାଗିଛି । ଦୈନିକ ସଂକ୍ରମଣ କମୁଥିଲେ ସୁଦ୍ଧା ଗାଁମାନଙ୍କରେ ସଂକ୍ରମଣ କମୁଥିବା ଜଣାପଡୁନି। ବାଙ୍କୀରେ ପ୍ରଶାସନ ସଂକ୍ରମିତ ଚିହ୍ନଟ ହେବାରୁ କଣ୍ଟେନମେଣ୍ଟ ଜୋନ୍ ଘୋଷଣା କରିଛନ୍ତି। ବାଙ୍କୀ ବ୍ଲକ କଦଳୀବାଡି ଗ୍ରାମ ପଞ୍ଚାୟତର ୩ ନମ୍ବର ୱାର୍ଡ ପାଟଣାସାହିରେ ଦୁଇଟି ପରିବାରରୁ ୫ରୁ ଉର୍ଦ୍ଧ୍ୱ କରୋନା ପଜିଟିଭ ଚିହ୍ନଟ ହେବା ପରେ ଗାଁକୁ ଯିବାଆସିବା ନିଷେଧ କରାଯାଇଛି । ପ୍ରଶାସନର ନିର୍ଦ୍ଦେଶରେ ସ୍ଥାନୀୟ ସରପଞ୍ଚ ୭ ଦିନ ପାଇଁ ଗାଁକୁ କଣ୍ଟେନମେଣ୍ଟ ଜୋନ ଘୋଷଣା କରିଛନ୍ତି ।
