ବୁର୍ଲା: ଶିକ୍ଷା ପାଇଁ ସରକାରୀ ଅନୁଦାନ ପ୍ରଦାନରେ ବି ପକ୍ଷପାତ। ରାଜ୍ୟ ସରକାର ଓୟୁଟିଆର୍କୁ ଏକକାଳୀନ ୧୫ଶହ କୋଟି ଟଙ୍କା ପ୍ରଦାନ କରିଥିବା ବେଳେ ୬୬ ବର୍ଷର ପୁରୁଣା ବୈଷୟିକ ଶିକ୍ଷାନୁଷ୍ଠାନ ବୀର ସୁରେନ୍ଦ୍ର ସାଏ ବୈଷୟିକ ବିଶ୍ବବିଦ୍ୟାଳୟ(ଭିସୁଟ୍) ପ୍ରତି ଉପେକ୍ଷା କରିଥିବା ଭଳି ସାଂଘାତିକ ଅଭିଯୋଗ ଆସିଛି। ରାଜ୍ୟ ସରକାର ଗତ ୨୦୨୦ ମସିହାରେ ସିଇଟିକୁ ବିଶ୍ବବିଦ୍ୟାଳୟ ମାନ୍ୟତା ଦେବା ସହିତ ଏହା ଓୟୁଟିଆର ନାମରେ ପରିଚିତ ହୋଇଥିଲା। ଏହି ବିଶ୍ୱବିଦ୍ୟାଳୟକୁ ୫ ବର୍ଷରେ ବିନିଯୋଗ କରିବା ପାଇଁ ଏକସଂଗରେ ୧୫୦୦ କୋଟି ଟଙ୍କା ଅନୁଦାନ ରାଶି ମଂଜୁର କରୁଛନ୍ତି। କିନ୍ତୁ, ୨୦୦୯ ମସିହାରେ ୟୁସିଇରୁ ଭିସୁଟ୍ରେ ପରିଣତ ହୋଇଥିବା ଏହି ବୈଷୟିକ ବିଶ୍ୱବିଦ୍ୟାଳୟ ପ୍ରତି ରାଜ୍ୟ ସରକାରଙ୍କ ବୈମାତୃକ ମନୋଭାବ ପୋଷଣ କରୁଥିବା ଅଭିଯୋଗ ହୋଇଛି।
