ନୂଆଦିଲ୍ଲୀ,୦୫/୦୭: ଅନ୍ତର୍ଜାତୀୟ କ୍ରିକେଟରେ ଶ୍ରେୟସ ଆୟରଙ୍କ ଖରାପ ପ୍ରଦର୍ଶନ ଜାରି ରହିଛି । ଇଂଲଣ୍ଡ ବିପକ୍ଷ ଶେଷ ଟେଷ୍ଟର ଦ୍ୱିତୀୟ ପାଳିରେ ସମ୍ପୂର୍ଣ୍ଣ ଫେଲ୍ ହୋଇଛନ୍ତି ଶ୍ରେୟସ । ସେ ୧୯ ରନ୍ କରିଥିବା ବେଳେ ଘରୋଇ ବୋଲର ମ୍ୟାଥ୍ୟୁ ପଣ୍ଟସଙ୍କ ଶିକାର ହୋଇଥିଲେ । ପ୍ରଥମ ପାଳିରେ ମଧ୍ୟ ସେପରି କିଛି ଖାସ୍ କରିନପାରି ଶ୍ରେୟସ ୧୫ ରନରେ ପ୍ୟାଭିଲିୟନ ଫେରିଥିଲେ । ଦ୍ୱିତୀୟ ପାଳିରେ ଶ୍ରେୟସଙ୍କ ଆଉଟ୍ କରିବା ପାଇଁ ଇଂଲଣ୍ଡ ଟିମ୍ ଖାସ୍ ରଣନୀତି ଆପଣାଇଥିଲା । ଶ୍ରେୟସ କ୍ରିଜକୁ ଆସିଲା ପରେ ଇଂଲଣ୍ଡ ବୋଲର ତାଙ୍କୁ ସର୍ଟ ବଲ୍ ପକାଇବା ଆରମ୍ଭ କରିଦେଇଥିଲେ । ଏନେଇ ଦଳର ମୁଖ୍ୟ କୋଚ୍ ବ୍ରେଣ୍ଡନ୍ ମ୍ୟାକକୁଲମ୍ ନିର୍ଦ୍ଦେଶ ଦେଇଥିଲେ । ଶ୍ରେୟସ ବ୍ୟାଟିଂ ପାଇଁ ଓହ୍ଲାଇବା ପରେ ଡ୍ରେସିଂ ରୁନରେ ଥିବା ମ୍ୟାକକୁଲମ ଇଶାରାରେ ଇଂଲଣ୍ଡ ବୋଲରଙ୍କୁ ଏନେଇ ସୂଚାଇ ଦେଇଥିଲେ ।