ଭୁବନେଶ୍ବର : ୫ଟି ବିଷୟରେ ମୋଟ ମାର୍କ ଥିଲା ୫୦୦। ସମସ୍ତ ପ୍ରଶ୍ନର ଠିକ୍ ଉତ୍ତର ଦେଇ ୫୦୦ ମାର୍କ ହାତେଇଛନ୍ତି। ଏଭଳି ସଫଳତାର ଅଧିକାରିଣୀ ହୋଇଛନ୍ତି ଭୁବନେଶ୍ବର ମଦର ପବ୍ଲିକ ସ୍କୁଲର ଦଶମ ଶ୍ରେଣୀ ଛାତ୍ରୀ ଶ୍ରେୟା ପଟ୍ଟନାୟକ। କୌଣସି ବି ବିଷୟରେ ଗୋଟିଏ ବି ନମ୍ବର କଟିନି। ଓଡ଼ିଶାର ୪୩ହଜାର ପରୀକ୍ଷାର୍ଥୀଙ୍କୁ ପଛରେ ପକାଇ ରାଜ୍ୟ ଟପର୍ ହେବା ସହ ଦେଶରେ ମଧ୍ୟ ଶ୍ରେଷ୍ଠତ୍ବ ପ୍ରତିପାଦନ କରିଛନ୍ତି। ଆଉ କିଛି ଛାତ୍ରଛାତ୍ରୀଙ୍କ ସହ ମିଶି ଶତପ୍ରତିଶତ ସଫଳତା ପାଇଥିବା ହାତଗଣତି ପରୀକ୍ଷାର୍ଥୀଙ୍କ ମଧ୍ୟରେ ସ୍ଥାନ ପାଇଛନ୍ତି। ଓଡ଼ିଶା ପାଇଁ ଏଭଳି ଗୌରବ ଆଣିଥିବାରୁ ଆଜି ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟୁଛି।
