ଭୁବନେଶ୍ୱର: ଭିଜିଲାନ୍ସ ଜାଲରେ ବାଣିଜ୍ୟ କର (କମରସିଆଲ ଟ୍ୟାକ୍ସ) ଏବଂ ଜିଏସଟି ଅତିରିକ୍ତ କମିଶନର । ଅତିରିକ୍ତ କମିଶିନର ପିୟୁଶ କାନ୍ତ ପାଣିଙ୍କ ଘରେ ଭିଜିଲାନ୍ସ ଚଢ଼ାଉ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସର ରେଡ୍ ହୋଇଛି । ଅତିରିକ୍ତ କମିଶନରଙ୍କ ସହ ସମ୍ବନ୍ଧିତ ୬ଟି ସ୍ଥାନରେ ଚଢାଉ ଜାରି ରହିଛି । କଟକ ଭିଜିଲାନ୍ସ ପକ୍ଷରୁ ଜାରି ରହିଛି ଚଢ଼ାଉ । ଭୁବନେଶ୍ବର ଚକେଇଶିଆଣିରେ ଥିବା ୩ ମହଲା କୋଠା, ଯାଜପୁର ଚୋର୍ଦ୍ଦା ଛକର ପୈତୃକ ଜମିରେ ଥିବା ଦୁଇଟି ୩ମହଲା କୋଠା ଓ ଗୋଟିଏ ଘରେ ରେଡ୍ ହୋଇଛି । କଟକ ଓଏମପିର ଓଏଫ୍ଏସସି ଟାୱାରରେ ଥିବା ଅଫିସରେ ହୋଇଛି ରେଡ୍ । ସେହିପରି ଭୁବନେଶ୍ବର ଅନ୍ଧାରୁଆ ମୌଜାରେ ଥିବା ନିର୍ମାଣାଧିନ ପ୍ଲଟ୍, ସାମପୁର ମୌଜାରେ ଥିବା ନିର୍ମାଣାଧୀନ ପ୍ଲଟ୍, ସୁନ୍ଦରପୁର ମୌଜାରେ ଥିବା ନିର୍ମାଣାଧିନ ପ୍ଲଟ୍ରେ ଚାଲିଛି ଚଢ଼ାଉ । ଏହି ଚଢ଼ାଉ କାର୍ଯ୍ୟରେ ୫ ଜଣ ଡିଏସପି ଏବଂ ୧୧ ଜଣ ଇନିସପେକ୍ଟର ସାମିଲ ରହିଛନ୍ତି । କଟକ ଭିଜିଲାନ୍ସର ସ୍ୱତନ୍ତ୍ର ଜଜଙ୍କ ତଲାସି ୱାରେଣ୍ଟ ଆଧାରରେ ଏହି ଚଢ଼ାଉ କାର୍ଯ୍ୟ କରୁଛି ଭିଜିଲାନ୍ସ ଟିମ୍ ।
