ମୁମ୍ଵାଇ ୨୭।୧୧: ଅଭିନେତ୍ରୀ ଜ୍ୟାକଲିନ୍ ଲଗାତାର ଭାବରେ ଚର୍ଚ୍ଚାରେ ଅଛନ୍ତି। ଚଳଚ୍ଚିତ୍ର ଅପେକ୍ଷା ମନି ଲଣ୍ଡରିଂ ମାମଲାକୁ ନେଇ ଅଧିକ ଆଲୋଚନା କରୁଛନ୍ତି। ଏହି ସମୟରେ ଅଭିନେତ୍ରୀଙ୍କ ସମସ୍ୟା ଦିନକୁ ଦିନ ବଢିବାରେ ଲାଗିଛି । ହେଲେ ଜ୍ୟାକଲିନ ମନି ଲଣ୍ଡରିଂ ମାମଲାରେ ପଟିଆଲା ହାଉସ କୋର୍ଟରୁ ଜାମିନ ପାଇଛନ୍ତି। ଜାମିନ ପାଇବା ପରେ ଜ୍ୟାକଲିନଙ୍କ ବିଷୟରେ ଏକ ନୂଆ ତଥ୍ୟ ବାହାରୁଛି। ଗଣମାଧ୍ୟମ ରିପୋର୍ଟରେ ଏହା କୁହାଯାଉଛି ଯେ ପ୍ରସଙ୍ଗରେ ଅଭିନେତ୍ରୀ କିଛି ବଡ ଖୁଲାସା କରିବାକୁ ଚାହୁଁଛନ୍ତି। ଖବର ଅନୁଯାୟୀ, ଜ୍ୟାକଲିନ ବର୍ତ୍ତମାନ ଗ୍ୟାଙ୍ଗଷ୍ଟର ସୁକେଶଙ୍କ ମାମଲାରେ ଏକ ନୂଆ ବିବୃତ୍ତି ଦେଇଛନ୍ତି। ଇକୋନୋମିକ୍ ଅଫେନ୍ସ ୱିଙ୍ଗ୍ ସୂତ୍ର ଅନୁଯାୟୀ ଜ୍ୟାକଲିନ୍ କହିଛନ୍ତି ଯେ ସେ ଏହି ମାମଲାରେ ଆଉ କିଛି ଖୁଲାସା କରିବାକୁ ଚାହୁଁଛନ୍ତି। ଅର୍ଥନୈତିକକ ଅଫେନ୍ସ ୱିଙ୍ଗ ଅର୍ଥାତ୍ ଇଡି ଦଳ ଜ୍ୟାକଲିନଙ୍କ ବିବୃତ୍ତିକୁ ମାଜିଷ୍ଟ୍ରେଟଙ୍କ ଆଗରେ ରେକର୍ଡ କରିଛନ୍ତି। ଟଙ୍କା ହେରଫେର ମାମଲା ତଥା ସୁକେଶ ଚନ୍ଦ୍ରଶେଖରଙ୍କୁ ନେଇ ଇକୋନୋମିକ୍ ଅଫେନ୍ସ ୱିଙ୍ଗ ସମ୍ମୁଖରେ ଜ୍ୟାକଲିନ କ’ଣ କହିଛନ୍ତି ସେ ସମ୍ପର୍କରେ ଏପର୍ଯ୍ୟନ୍ତ କୌଣସି ସୂଚନା ପ୍ରକାଶ କରାଯାଇ ନାହିଁ। କହିବାକୁ ଗଲେ ଜ୍ୟାକଲିନଙ୍କ ଉପରେ ହୋଇଥିବା ଏହି ମାମଲାରେ ମୁଖ୍ୟ ଅଭିଯୁକ୍ତ ସୁକେଶ ଚନ୍ଦ୍ରଶେଖରଙ୍କ ସହ ଅତି ନିକଟତର ହୋଇଥିଲେ। ତାଙ୍କ ବିରୋଧରେ ଆଉ ଏକ ପ୍ରମୁଖ ଅଭିଯୋଗ ହେଉଛି ଯେ ସେ ସୁକେଶ ଚନ୍ଦ୍ରଶେଖରଙ୍କଠାରୁ ମହଙ୍ଗା ଉପହାର ନେଉଥିଲେ। ସୁକେଶଙ୍କ ବିଷୟରେ ସବୁ ଜାଣି ମଧ୍ୟ ଅଭିନେତ୍ରୀ ସବୁ ଗ୍ରହଣ କରୁଥିଲେ। ଏଥିପାଇଁ ଇଡି ଜ୍ୟାକଲିନ ମଧ୍ୟ ସମାନ ଦୋଷୀ ସାବ୍ୟସ୍ତ କରିଥିଲେ।
