ଓଡ଼ିଶାରେ ଘଟିଥିବା ଏକ ଚାଞ୍ଚଲ୍ୟକର ପାର୍ସଲ ବୋମା ବିସ୍ଫୋରଣ ଘଟଣା ଆଜିଯାଏ ଲୋକଙ୍କ ମନରେ ରହିଛି। ରାଜ୍ୟ ସହିତ ସାରା ଦେଶରେ ଚର୍ଚ୍ଚିତ ସେହି ଘଟଣା ଉପରେ ଆଧାରିତ ଫିଲ୍ମ ତିଆରି କରିଛନ୍ତି ପ୍ରଯୋଜକ ଶ୍ରୀଧର ମାର୍ଥା, ଯାହାର ଶୀର୍ଷକ ରହିଛି ‘ମାଇଣ୍ଡ ଗେମ୍’। ଦୀର୍ଘ ୫ ବର୍ଷ ପୂର୍ବରୁ ଏ ପ୍ରୟାସ ଆରମ୍ଭ ହୋଇଥିଲେ ହେଁ ବିଭିନ୍ନ କାରଣରୁ ଫିଲ୍ମଟି ବଡ଼ ପରଦା ଉପରକୁ ଆସିପାରୁ ନ ଥିଲା। ତେବେ ଖୁବ୍ ଶୀଘ୍ର ଦର୍ଶକଙ୍କର ଅପେକ୍ଷା ଶେଷ ହେବ ବୋଲି ସୂଚନା ମିଳିଛି। ‘ମାଇଣ୍ଡ ଗେମ୍’ ଅକ୍ଟୋବର ୭ ତାରିଖରେ ରିଲିଜ୍ ହେବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଘୋଷଣା କରା ଯାଇଛି।
