ରାଜ୍ୟରେ କରୋନା ସଂକ୍ରମଣ ବୃଦ୍ଧି ପାଉଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କନିର୍ଦ୍ଦେଶ ପରେ ଆକ୍ସନ ମୁଡ୍ରେ ପୁଲିସ। ଆଜିଠାରୁ ରାଜ୍ୟର ୧୦ ଦିନିଆ ସ୍ପେଶାଲ ଡ୍ରାଇଭ୍ ଆରମ୍ଭ କରୁଛି ରାଜ୍ୟ ପୁଲିସ। ୧୬ ତାରିଖ ପର୍ଯ୍ୟନ୍ତ ପୁଲିସ ଏହି ସ୍ପେଶାଲ ଡ୍ରାଇଭ୍ ଚଳାଇବ। ମାସ୍କ ପିନ୍ଧିବା ଓ ସାମାଜିକ ଦୂରତ୍ୱ ରକ୍ଷା କରିବା ପ୍ରତି କଡ଼ା ନଜର ଦେବାକୁ ଡିଜିପି ନିର୍ଦ୍ଦେଶ ଦେଇଛନ୍ତି ।ଏନେଇ ସମସ୍ତ ଏସ୍ପି, ଡିସିପିଙ୍କୁ ନିର୍ଦ୍ଦେଶ ଦେଇଛନ୍ତି ଡିଜିପି । ତା’ସହିତ ପ୍ରତ୍ୟେକ ଦିନର କାର୍ଯ୍ୟକ୍ରମ ସଂପର୍କରେ ନିର୍ଦ୍ଧାରିତ ଫର୍ମରେ ଆଇନଶୃଙ୍ଖଳା ଏଡିଜିଙ୍କୁ ରିପୋର୍ଟ ଦେବାକୁ ମଧ୍ୟ କୁହାଯାଇଛି । ଛତିଶଗଡ଼ ଯୋଗୁଁ ସୀମାନ୍ତବର୍ତ୍ତୀ ଜିଲ୍ଲାରେ ସଂକ୍ରମଣ ଦ୍ରୁତଗତିରେ ବୃଦ୍ଧି ପାଇବା ଓ ଏହାଯୋଗୁଁ ସାରା ରାଜ୍ୟ ପ୍ରଭାବିତ ହେବାରୁ ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ଥିତି ସମୀକ୍ଷା କରିଥିଲେ ।
