ପ୍ରବାସୀ ଓଡିଆଙ୍କୁ ନେଇ ଆସୁଥିବା ବସ ଦୁର୍ଘଟଣାଗ୍ରସ୍ତ । ୧୬ ନଂ ଜାତୀୟ ରାଜପଥ ଟାଙ୍ଗୀ ବାଇପାସ୍ ନିକଟରେ ଯାତ୍ରୀବାହୀ ବସ୍ ସହ ଟ୍ରକ୍ ମୁହାଁମୁହିଁ ଧକ୍କା ହୋଇଛି । ଟ୍ରକ୍ ଚାଳକ ମୃତ ।
ବସଟି କେରଳରୁ ଓଡିଶା ଆସୁଥିଲା । କେରଳର କୁନୁର ଅଞ୍ଚଳରୁ ପ୍ରବାସୀ ଓଡିଆ ଶ୍ରମିକ ମାନଙ୍କୁ ଧରି ଆସୁଥିଲା ଏହି ବସ । ରାସ୍ତା ପ୍ରଶସ୍ତ କାମ ଚାଲୁଥିବାରୁ ବସ୍ ଓ ଟ୍ରକ୍ ଗୋଟିଏ ରୁଟ୍ରେ ଯାଉଥିବା ବେଳେ ଟ୍ରକଟି ବସକୁ ସାମନା ପଟୁ ଧକ୍କା ଦେଇଥିଲା। ବସରେ ଥିବା ପ୍ରବାସୀ ଶ୍ରମିକମାନେ ଆହତ ହୋଇଥିବା ବେଳେ ଘଟଣା ସ୍ଥଳରେ ଟ୍ରକ୍ ଚାଳକର ମ୍ରୁତ୍ୟୁ ଘଟିଛି । ବସରେ ଥିବା ପ୍ରବାସୀ ଶ୍ରମିକମାନେ କଟକ ଓ କେନ୍ଦ୍ରାପଡା ଜିଲାର ବୋଲି ଜଣାପଡିଛି। ସ୍ଥାନୀୟ ଟାଙ୍ଗୀ
ପୋଲିସ୍ ଘଟଣାସ୍ଥଳରେ ପହଞ୍ଚି ବସ୍ ଯାତ୍ରୀମାନଙ୍କୁ ଉଦ୍ଧାର କରି ଅନ୍ୟ ବସ୍ ଯୋଗେଁ ଘରକୁ ପଠାଇ ଦେଇଛି । ଟ୍ରକ୍ ଚାଳକଙ୍କ ପରିଚୟ ମିଳିପାରିନାହିଁ । ଟାଙ୍ଗୀ ପୋଲିସ୍ ତଦନ୍ତ ଜାରି ରଖିଛି ।