କରୋନାରେ ଦୈନିକ ମୃତ୍ୟୁଖବର ସାମ୍ନାକୁ ଆସୁଥିବାବେଳେ ଭାରତୀୟ ଦ୍ରୁତ ଧାବକ ମିଲଖା ସିଂ କରୋନାକୁ ମାତ୍ ଦେଇ ଘରକୁ ଫେରିଛନ୍ତି । ତାଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇଛି। ତେବେ ତାଙ୍କ ପତ୍ନୀଙ୍କୁ ଆଇସିୟୁରେ ଭର୍ତ୍ତି କରାଯାଇଛି। କରୋନା ସହିତ ସଂଘର୍ଷ କରୁଥିବା ଏହି ମହାନ ଆଥଲେଟ୍ ଶେଷରେ କରୋନା ଦୌଡରେ ଜିତିଛନ୍ତି । କିଛି ଦିନ ପୂର୍ବରୁ ସେ କରୋନା ସଂକ୍ରମିତ ବୋଲି ଜଣାପଡିଥିଲା । ଏହା ପରେ ତାଙ୍କ ସ୍ୱାସ୍ଥ୍ୟ ଖରାପ ହେବାକୁ ଲାଗିଲା। ତାଙ୍କୁ ତୁରନ୍ତ ମୋହାଲିର ଫୋର୍ଟିସ୍ ହସ୍ପିଟାଲରେ ଭର୍ତ୍ତି କରାଯାଇଥିଲା। ଯେଉଁଠାରେ ଡାକ୍ତରଙ୍କ ଏକ ଟିମ୍ ୯୧ ବର୍ଷିୟ ମିଲଖା ସିଂଙ୍କ ସ୍ୱାସ୍ଥ୍ୟ ଉପରେ ନଜର ରଖିଥିଲେ। ଏବଂ ଶେଷରେ, ସେ ଜୀବନର ସଂଗ୍ରାମରେ ମଧ୍ୟ ଜିତିଛନ୍ତି। ଡାକ୍ତରଖାନାକୁ ଆସିବା ପୂର୍ବରୁ ମିଲଖା ସିଂ ଚଣ୍ଡିଗଡ଼ସ୍ଥିତ ତାଙ୍କ ବାସଭବନରେ ଘରେ ଚିକିତ୍ସିତ ହେଉଥିଲେ। କିନ୍ତୁ ଯେତେବେଳେ ହଠାତ୍ ତାଙ୍କର ଅମ୍ଳଜାନ ସ୍ତର ହ୍ରାସ ପାଇବାରେ ଲାଗିଲା, ପରିବାର ସଦସ୍ୟ ଚିନ୍ତିତ ହେଲେ। ପରେ ଡାକ୍ତରଖାନାରେ ଭର୍ତ୍ତି ହେବା ପରେ ସେ ସୁସ୍ଥ ହୋଇଛନ୍ତି । ତାଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇଛି। ଡାକ୍ତରଙ୍କ ଦଳ ତାଙ୍କ ପତ୍ନୀଙ୍କ ସ୍ୱାସ୍ଥ୍ୟ ଉପରେ ନଜର ରଖିଛନ୍ତି ।
