ଭୁବନେଶ୍ବର : ଭୁବନେଶ୍ୱର ମ୍ୟୁନିସିପାଲିଟି କର୍ପୋରେସନ୍ (ବିଏମସି) ଜୁଲାଇ ୧୫ ସୁଦ୍ଧା ସହରର ସମସ୍ତ ସ୍ଥାନୀୟ ବାସିନ୍ଦାଙ୍କୁ ପ୍ରଥମ କରୋନା ଟିକା ଡୋଜ ଓ ଅଗଷ୍ଟ ଶେଷ ସୁଦ୍ଧା ଦ୍ୱିତୀୟ ଡୋଜ ଦେବା ପାଇଁ ଯୋଜନା କରିଛି। ସହରର ୫୫ଟି ଟିକାକରଣ କେନ୍ଦ୍ରରେ ଦୈନିକ ୧୮,୦୦୦-୨୦,୦୦୦ ଲୋକଙ୍କୁ ଟିକାକରଣ କରାଯାଉଥିବାବେଳେ ନାଗରିକ ସଂସ୍ଥା ୬୦ଟି କେନ୍ଦ୍ରରେ ଏହି ସଂଖ୍ୟାକୁ ୨୮,୦୦୦-୩୦,୦୦୦କୁ ବୃଦ୍ଧି କରିବାକୁ ଲକ୍ଷ୍ୟ ରଖିଛି। ବିଏମସି କମିଶନର ସଞ୍ଜୟ କୁମାର ସିଂ କହିଛନ୍ତି ଯେ ସହରରେ ହୋଟେଲ, ପର୍ୟ୍ୟଟନ, ଆଇଟି, ଖାଦ୍ୟ ବିତରଣ ଏବଂ ମିଡିଆ ସେକ୍ଟରରେ କାର୍ୟ୍ୟ କରୁଥିବା ଲୋକଙ୍କୁ ଟିକାକରଣ କରାଯାଇଛି। ମେଡିସିନ୍ ଦୋକାନୀ, କ୍ୟାବ ଡ୍ରାଇଭର, ବିକ୍ରେତା ଏବଂ ଖବରକାଗଜ ହକରଙ୍କୁ ଶୀଘ୍ର କରୋନା ଟିକା ଦିଆଯିବ ବୋଲି ଅଧିକାରୀ କହିଛନ୍ତି।
