ବରଗଡ଼ , ସେପ୍ଟେମ୍ବର 29 : ଖେଳ ପଡ଼ିଆରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ଏପରି ଘଟଣା ଘଟିଛି ବରଗଡ ଟାଉନ ଥାନା ଅମ୍ବାପାଲି ଖେଳପଡ଼ିଆରେ । ବର୍ତ୍ତମାନ ଯାହା ସୁଚନା ମିଳିଛି ମୃତ ଯୁବକ ଜଣକ ଅତବିରା ଥାନା ଅନ୍ତର୍ଗତ ମହମ୍ମଦ କାସିମ ।
ତେବେ ତାଙ୍କ ଗଳାକୁ କିଏ କାଟି ହତ୍ୟା କରାଯାଇଥିବା ସନ୍ଦେହ କରାଯାଉଛି । ସୁଚନା ଅନୁସାରେ ସବୁଦିନ ପରି ଗତକାଲି ମଧ୍ୟ ବରଗଡ଼ ଡେମକଲୋନୀ ନିକଟସ୍ଥ କାସିମ ଲେଦ ଗ୍ୟାରେଜରେ କାମ କରିବାକୁ ଆସିଥିଲେ । ହେଲେ ରାତିରେ ଘରକୁ ଫେରିନଥିଲେ ପରେ ଘର ଲୋକଙ୍କ ବହୁ ଖୋଜାଖୋଜି ପରେ ଆଜି ତାଙ୍କର ମୃତ ଦେହ ପଡ଼ିଆରୁ ଉଦ୍ଧାର କରାଯାଇଛି ।
ହେଲେ କିଏ କଣ ପାଇଁ ଏପରି ଲୋମ ଟାଙ୍କୁରା ଘଟଣା ଘଟାଇଛି ଏ ନେଇ କିଛି ସ୍ୱଷ୍ଟ ସୁଚନା ଆସିନାହିଁ । ଗ୍ରାମବାସୀଙ୍କର ଅଭିଯୋଗ କ୍ରମେ ଘଟଣା ସ୍ଥଳରେ ପୋଲିସ୍ ପହଂଚି ଅଧିକ ଖୋଳତାଡ଼ ଆରମ୍ଭ କରିଛି ।