ହାଇଦ୍ରାବାଦ୍, ଅକ୍ଟୋବର ୨୦ : ତେଲେଙ୍ଗାନା ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ ମଙ୍ଗଳବାର କହିଛନ୍ତି ଯେ, ରାଜ୍ୟ ସରକାର ୟଦାନ୍ଦ୍ରୀ ମନ୍ଦିରକୁ ସୁନାରେ ସଜେଇବେ। ମନ୍ଦିରର ବିମାନ ଗୋପୁରମକୁ ସ୍ବର୍ଣ୍ଣ ଅଳଙ୍କାରରେ ରୂପ ଦେବା ପାଇଁ ତେଲେଙ୍ଗାନା ସରକାରଙ୍କ ଠାରୁ ଭାରତୀୟ ରିଜର୍ଭ ବ୍ୟାଙ୍କ ଠାରୁ ୧୨୫ କିଲୋଗ୍ରାମ ସୁନା କିଣିବେ। ଯଦାନ୍ଦ୍ରୀ ଗସ୍ତ କରିବା ଅବସରରେ ମୁଖ୍ୟମନ୍ତ୍ରୀ ରାଓ କହିଛନ୍ତି ଯେ, ରାଜ୍ୟକୁ ୬୦ରୁ ୬୫ କୋଟି ଟଙ୍କାର ସୁନା କିଣିବାର ଆବଶ୍ୟକତା ରହିଛି। ମନ୍ଦିରର ଅଧିକାରୀ ତିରୁମାଳା ତିରୁପତି ଦେବସ୍ଥାନମରେ ଏହି କାର୍ଯ୍ୟ କରିବାକୁ ଥିବା ବିଶେଷଜ୍ଞ ସହିତ ସଂପର୍କ କରୁଛନ୍ତି।
ଶ୍ରୀ ରାଓ କହିଛନ୍ତି ଯେ, ଆକଳନ ଅନୁସାରେ ମନ୍ଦିରକୁ ୧୨୫ କିଲୋ ସୁନାର ଆବଶ୍ୟକତା ରହିଛି। ଏହାର ମୂଲ୍ୟ ୬୦ରୁ ୬୫ କୋଟି ଟଙ୍କା ହେବ। ସରକାର ଏହି କାମ କରିବାକୁ ଆଗ୍ରହ ପ୍ରକାଶ କରିଛନ୍ତି। ଆମେ ଭାରତୀୟ ରିଜର୍ଭ ବ୍ୟାଙ୍କ ପାଖରୁ ସୁନା କିଣିବାକୁ ନିଷ୍ପତ୍ତି ନେଇଛୁ। ଟଙ୍କା ସଂଗ୍ରହ ହେବା ପରେ ଆରବିଆଇରୁ ସୁନା କିଣାଯିବ। ଆରବିଆଇରୁ ଶୁଦ୍ଧ ସୁନା ମିଳିପାରିବ।
