ପୁରି, ନଭେମ୍ବର ୨୪: ବହୁ ପ୍ରତିକ୍ଷିତ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଐତିହାସିକ ଶିଳାନ୍ୟାସ କରିଛନ୍ତି ପୁରି ଗଜପତି ମହାରାଜ । ମୁଖ୍ୟମନ୍ତ୍ରୀଙ୍କ ଉପସ୍ତିତିରେ ସିଳାନ୍ୟାସ କରିଛନ୍ତି ଗଜପତି । ନିର୍ଦ୍ଧାରିତ କାର୍ଯ୍ୟକ୍ରମ ଅନୁଯାୟି ଆଜି ସକାଳୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁରିରେ ପହଁଞ୍ଚିଥିଲେ । ଏହା ପରେ ସେଠାରେ ଆୟୋଜିତ କାର୍ଯ୍ୟକ୍ରମରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପାଇଁ ଜି ଦାନ କରିଥିବା ଲୋକ ମାନଙ୍କୁ ମୁଖ୍ୟମନ୍ତ୍ରୀ ସମ୍ବର୍ଦ୍ଧିତ କରିଥିଲେ । ଏହା ପରେ ସାଧୁସଂସ୍ଥଙ୍କ ମେଳରେ ଯଥା ବିଧୀ ପୂଜା ନିତିରେ ପବିତ୍ର ଶିଳାନ୍ୟାସ ଅନୁଷ୍ଠିତ ହୋଇଛି । ଏହି ଅବସରରେ ମୁଖ୍ୟମନ୍ତ୍ରୀ ସ୍ଳ୍ ବାର୍ତ୍ତା ଦେଇ କହିଛନ୍ତି ବିଶ୍ୱରେ ଥିବା ଶ୍ରୀଜଗନ୍ନାଥ ପ୍ରେମୀଙ୍କ ପାଇଁ ଆଜି ଏକ ଐତିହାସିକ ଦିନ । ଏହି ପ୍ରକଳ୍ପ ଶ୍ରୀମନ୍ଦିରର ମେଘନାଦ ପାଚେରୀର ୭୫ ମିଟର ବ୍ୟାସାର୍ଦ୍ଧରେ ଏହି ପ୍ରକଳ୍ପ କାର୍ଯ୍ୟକାରୀ ହେଉଛି। ଏହି ପ୍ରକଳ୍ପ ପାଇଁ ରାଜ୍ୟ ସରକାର ୮୦୦ କୋଟି ଟଙ୍କା ଧାର୍ଯ୍ୟ କରିଥିବାବେଳେ କେନ୍ଦ୍ରୀୟ ସରକାର ଓଡିଶା ସରକାରଙ୍କୁ ସମସ୍ତ ଆବଶ୍ୟକୀୟ ପାଣ୍ଠି ଯୋଗାଉଛି। ୧୧୫ ପରିବାରରୁ କିଣାଯାଇଥିବା ହେରିଟେଜ୍ କରିଡର ପାଇଁ ଏପର୍ୟ୍ୟନ୍ତ ପ୍ରାୟ ୧୫.୬୫ ଏକର ଜମି ଅଧିଗ୍ରହଣ କରାଯାଇଛି । ପ୍ରଭୁ ଜଗନ୍ନାଥ ମନ୍ଦିରର ବିକାଶ ପାଇଁ ଅନେକ ଜମି ମାଲିକ ସେମାନଙ୍କ ସମ୍ପତ୍ତି ହସ୍ତାନ୍ତର କରିବାକୁ ଆଗେଇ ଆସିଛନ୍ତି ।
ସୂଚନା ମୁତାବକ, ପୁରୀ ଜିଲ୍ଲା ପ୍ରଶାସନ ଦ୍ୱାଦଶ ଶତାବ୍ଦୀର ଶ୍ରୀକ୍ଷେତ୍ର ପରିସରରେ ବ୍ୟାପକ ଉଚ୍ଛେଦ ପ୍ରକ୍ରୀୟା ପରେ ବିକାଶମୂଳକ ପ୍ରକଳ୍ପ ନିର୍ମାଣ ପାଇଁ ରାଜ୍ୟ କ୍ୟାବିନେଟ୍ ସଂକଳ୍ପ ପାରିତ ହୋଇଥିଲା। ନଅଟି ଜୋନ୍ରେ ବିଭକ୍ତ ଏବଂ ତିନିଟି ପର୍ଯ୍ୟାୟରେ ଶେଷ ହେବାକୁ ଥିବା ଏହି ପ୍ରକଳ୍ପରେ ଶ୍ରୀ ଜଗନ୍ନାଥ ମନ୍ଦିର ପ୍ରଶାସନ (ଏସଜେଟିଏ) ବିଲ୍ଡିଂର ପୁନ ର ନିର୍ମାଣ, ଶ୍ରୀମନ୍ଦିର ରିସେପ୍ସନ୍ ସେଣ୍ଟର, ଜଗନ୍ନାଥ ସାଂସ୍କୃତିକ କେନ୍ଦ୍ର, ରଘୁନନ୍ଦନ ଲାଇବ୍ରେରୀ, ଇଣ୍ଟିଗ୍ରେଟେଡ୍ କମାଣ୍ଡ ଏବଂ କଣ୍ଟ୍ରୋଲ୍ ସେଣ୍ଟର, ବଡଦାଣ୍ଡ ଐତିହ୍ୟ ରାସ୍ତା ଅନ୍ତର୍ଭୁକ୍ତ । ମନ୍ଦିର ସୁବିଧାଗୁଡ଼ିକର ଉନ୍ନତି, ଶ୍ରୀ ସେତୁ, ଜଗନ୍ନାଥ ବଲାଭ ତୀର୍ଥଯାତ୍ରୀ କେନ୍ଦ୍ର, ବହୁ ସ୍ତରୀୟ କାର ପାର୍କିଂ, ପୌରପାଳିକାର ବଜାର ବିକାଶ, ସ୍ୱର୍ଗଦ୍ୱାର ବିକାଶ, ପ୍ରମୋଦ ଉଦ୍ୟାନ, ଗୁରୁକୁଳମ, ମହୋଦାଦୀ ବଜାର, ସମୁଦ୍ରକୂଳ ବିକାଶ, ପୁରୀ ହ୍ରଦ, ମୁସା ନଦୀ ପୁନରୁଦ୍ଧାର ଯୋଜନା, ଅଠରନଳା ଏବଂ ସେବାୟତଙ୍କ ପାଇଁ ଗୃହ ସାମିଲ।
