ବହୁ ଚର୍ଚ୍ଚିତ ମମିତା ମେହେର ହତ୍ୟା ଘଟଣା : ଅନ୍ତରୀଣ ଜାମିନ ଶେଷ ପରେ କୋର୍ଟରେ ହାଜର ହେଲା ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ

କଣ୍ଟାବାଞ୍ଜି ୨୨।୭: ବହୁ ଚର୍ଚ୍ଚିତ ମମିତା ମେହେର ହତ୍ୟାକାଣ୍ଡ ଘଟଣାରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁଙ୍କ ୧୪ ଦିନିଆ ଅନ୍ତରୀଣ ଜାମିନ ଶେଷ । କଣ୍ଟାବାଞ୍ଜି ଏଡିଜେ କୋର୍ଟରେ ହାଜର ହେଲା ଗୋବିନ୍ଦ ସାହୁ । କଡା ସୁରକ୍ଷା ବଳରେ କୋର୍ଟରେ ହାଜର ହୋଇଥିବା ବେଳେ ପୁଣି ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ଗୋବିନ୍ଦ ସାହୁଙ୍କ ସ୍ତ୍ରୀ ଓ ପୁଅଙ୍କ ସ୍ବାସ୍ଥ୍ୟାବସ୍ଥା ଠିକ୍ ନଥିବା ବେଳେ ତାଙ୍କ ଚିକିତ୍ସା କରାଇବାକୁ ଗୋବିନ୍ଦ ସାହୁଙ୍କ ଓକିଲ ହାଇକୋର୍ଟରେ ଜାମିନ ଆବେଦନ କରିଥିଲେ । କୋର୍ଟ ୧୪ ଦିନିଆ ଅନ୍ତରୀଣ ଜାମିନ ମଞ୍ଜୁର ପରେ କଣ୍ଟାବାଞ୍ଜି ଏଡିଜେ କୋର୍ଟରୁ ଗୋବିନ୍ଦ ସାହୁ କିଛି ସର୍ତ୍ତରେ ଜାମିନରେ ଯାଇଥିଲେ । ତେବେ ଅନ୍ତରୀଣ ଜାମିନର ଅବଧି ସରିଥିବା ବେଳେ ସେ ତାଙ୍କ ଓକିଲ ସହ କୋର୍ଟରେ ହାଜର ହୋଇଥିଲେ ।