ନୂଆଦିଲ୍ଲୀ ୧୦/୦୯: ରାଫେଲରେ ପୁଅ ସହ ଉଡିଲେ ବାୟୁସେନା ମୁଖ୍ୟ । ଅତ୍ୟାଧୁନିକ ଲଢୁଆ ବିମାନ ରାଫେଲରେ ବାୟୁସେନା ମୁଖ୍ୟ ଏୟାର ଚିପ୍ ମର୍ସାଲ ଭିଆର୍ ଚୌଧୁରୀ ଓ ତାଙ୍କ ପୁଅ ସ୍କାର୍ଡନ ଲିଡର ମିହିର ଭି ଚୌଧୁରୀ ଉଡାଣ ଭରିଛନ୍ତି । ପଶ୍ଚିମବଙ୍ଗର ହସିମରା ବାୟୁସେନା ଘାଟିରୁ ତିନିଦିନିଆ ଏୟାରକ୍ରାଫ୍ଟ କମ୍ବାଟ ଟ୍ରେନିଂ ମିଶନରେ ସେମାନେ ଏହି ଉଡାଣ କରିଛନ୍ତି । ଏହି ଅବସରରେ ବାୟୁସେନା ମୁଖ୍ୟ ଏୟାରବେସର ପ୍ରସ୍ତୁତି ନେଇ ପ୍ରଂଶସା କରିବା ସହ ସେଠାକାର କର୍ମଚାରୀମାନଙ୍କ ସହ ଆଲୋଚନା କରିଥିଲେ । ସବୁବେଳେ ଭାରତର ଆକାଶକୁ ସୁରକ୍ଷିତ ରଖିବା ପାଇଁ ସେ କର୍ମଚାରୀମାନଙ୍କୁ ଆହ୍ୱାନ ଦେଇଛନ୍ତି । ଏୟାର ଚିଫ୍ ମାର୍ଶଲ ବିବେକ ରାମ ଚୌଧରୀ ଗତ ବର୍ଷ ୩୦ ସେପ୍ଟେମ୍ବରରେ IAF ର କମାଣ୍ଡ ଦାୟିତ୍ୱ ଗ୍ରହଣ କରିଥିଲେ । ଚୌଧରୀ, ଯିଏ ୨୯ ଡିସେମ୍ବର ୧୯୮୨ ରେ ଏହି ବଳର ଅଂଶ ହୋଇଥିଲେ, ସେ ଜାତୀୟ ପ୍ରତିରକ୍ଷା ଏକାଡେମୀର ଏକ ଅଂଶ । ତାଙ୍କର ୩,୮୦୦ ଘଣ୍ଟାରୁ ଅଧିକ ଉଡ଼ାଣ ଅଭିଜ୍ଞତା ଅଛି । ବର୍ତ୍ତମାନ ମିହିର ତାଙ୍କ ପିତାଙ୍କ ପଦାଙ୍କ ଅନୁସରଣ କରୁଛନ୍ତି।
