ବୁଲନ୍ଦସହର ୭/୧୦: ଅବସର ପରେ ମେଘାଳୟର ପୂର୍ବତନ ରାଜ୍ୟପାଳ ସତ୍ୟପାଲ ମଲିକ ଅଧିକ ଆକ୍ରମଣାତ୍ମକ ହୋଇପଡିଛନ୍ତି । ସତ୍ୟପାଲ ମଲିକ କହିଛନ୍ତି ଯେ ମୁଁ ଇସ୍ତଫା ଦେବା ପରେ ବର୍ତ୍ତମାନ ମୁଁ ଚିନ୍ତା ମୁକ୍ତ । ଏବେ ମୋ ଇଚ୍ଛା ଯାହା କରିପାରିବି । ଯାହା ଚାହିଁଲେ କହିପାରିବି । ଦରକାର ପଡିଲେ ଜେଲ୍ ବି ଯାଇପାରେ । ବୁଲନ୍ଦସହରର ସେଗଲି ଗାଁର କିସାନ ମହାସମାରୋହରେ ପହଞ୍ଚି ମଲିକ ସିଧାସଳଖ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି । ଆକ୍ରମଣ କରି ସେ କହିଛନ୍ତି ଯେ ସେମାନେ ମୋ ଉପରେ ଆକ୍ରମଣ କରିବେ । ଦଣ୍ଡ ଦେବାକୁ ଚେଷ୍ଟା କରିବେ । କିନ୍ତୁ ମୋର କେହି କିଛି କରିପାରିବେନି । ସତ୍ୟପାଲ ମଲିକ ମଧ୍ୟ ତାଙ୍କ ବିବୃତ୍ତିର କହିଛନ୍ତି ଦରକାର ପଡିଲେ ମୋ ବିବୃତ୍ତିର ସିବିଆଇ ତଦନ୍ତ କର । ମଲିକ୍ କହିଛନ୍ତି ଯେ ମୋର ୧୦୦ ଥର ଯାଞ୍ଚ କର । କିନ୍ତୁ ଯଦି ତୁମର ଯଦି ଗୋଟିଏ ଯାଞ୍ଚ କରାଯାଏ, ତେବେ ସତ୍ୟ କଣ ସାମ୍ନାକୁ ଆସିବ । ମୋ ବିରୋଧରେ କୌଣସି ମାମଲା ହୋଇପାରିବ ନାହିଁ ବୋଲି ସେ ସ୍ପଷ୍ଟ କରିଛନ୍ତି । ମୁଁ ତ ୫ଟି କୁର୍ତ୍ତା ନେଇଯାଇଥିଲି ଏବଂ ସେୟାକୁ ସାଙ୍ଗରେ ବି ଆଣି ଆସିଥିଲି । ମୁଁ ଜଣେ ଫକୀର । କେବଳ ଏତିକି ନୁହେଁ, ମଲିକ ବିଜେପି ବିରୋଧରେ ନିଜର ଉଦ୍ଦେଶ୍ୟ ସ୍ପଷ୍ଟ କରିଛନ୍ତି । ୨୦୨୪ରେ ହେବାକୁ ଥିବା ସାଧାରଣ ନିର୍ବାଚନ ବିଷୟରେ ମଲିକ କହିଛନ୍ତି, ‘ମୁଁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବି ନାହିଁ କିନ୍ତୁ ପ୍ରଚାରରେ ସହଯୋଗ କରିବି । ୨୦୨୪ରେ NDA ଏବଂ ବିଜେପି ପୁନରାବୃତ୍ତି କରିବାକୁ ମୁଁ ସମ୍ପୂର୍ଣ୍ଣ ଭାବେ ଚାହେଁ ନାହିଁ । ଯଦି ମୋତେ ଜେଲ ଯିବାକୁ ପଡିବ, ତେବେ ମୁଁ କୃଷକମାନଙ୍କ ପାଇଁ ଜେଲ ଯିବି । ନା ମୁଁ କୌଣସି ଦଳକୁ ଯିବି ନାଁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବି ।
