ଚୌଦ୍ୱାର ୦୧/୧୧: ଚୌଦ୍ଵାର ଗାନ୍ଧୀ ଛକରେ ଥିବା ଜଣେ ବ୍ୟବସାୟୀଙ୍କ ଦୋକାନରେ ଅଗ୍ନିକାଣ୍ଡ । ଦୋକାନରେ ଥିବା ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ । ଅଗ୍ନିକାଣ୍ଡରେ ଜଳି ପୋଡ଼ି ନଷ୍ଟ ହୋଇଥିବା କହିଛନ୍ତି ଫୁଲ ଦୋକାନ ମାଲିକ ପବିତ୍ର କୁମାର ବେହେରା । ବେଆଇନ୍ ଭାବେ ୧୧ କେଭି ବିଦ୍ୟୁତ୍ ଖୁଣ୍ଟରେ ଯାଇଥିବା ଫୋନ କେବୁଲ, ସ୍ଥାନୀୟ ଟେଲିଭିଜନ କେବୁଲ ପାଇଁ ଏଭଳି ଅଗ୍ନିକାଣ୍ଡ ଘଟିଥିବା କହିଛନ୍ତି କ୍ଷତି ଘଟିଥିବା ଦୋକାନ ମାଲିକ ପବିତ୍ର ବେହେରା । ଏଥିପାଇଁ ସେ ସିଧାସଳଖ ବିଦ୍ୟୁତ୍ ବିଭାଗ ଓ ପ୍ରଶାସନିକ ଅଧିକାରୀଙ୍କୁ ଦାୟୀ କରିଛନ୍ତି ।
