ନାପିୟର ୨୨।୧୧ : ଭାରତ-ନ୍ୟୁଜିଲାଣ୍ଡ ଟି-୨୦ ସିରିଜ୍ରେ ଅନ୍ତିମ ମ୍ୟାଚ୍ । ସିରିଜ୍ରେ ଏହି ଶେଷ ମ୍ୟାଚ୍ରେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଛି ନ୍ୟୁଜିଲାଣ୍ଡ । ଯାହାଫଳରେ ଭାରତୀୟ ଟିମ୍ ବୋଲିଂ କରିବାକୁ ପଡିଆକୁ ଓହ୍ଲାଇବ । ସିରିଜ୍ରେ ଭାରତ ଏବେ ୧-୦ରେ ଆଗୁଆ ରହିଛି । ଅନ୍ତିମ ମ୍ୟାଚ୍ ସାଜିବ ଡିସାଇଡର । ଟି-୨୦ ସିରିଜ୍ର ପ୍ରଥମ ମ୍ୟାଚ୍ ବର୍ଷା ଲାଗି ବାତିଲା ହେବା ପରେ ୨ୟ ମ୍ୟାଚ୍ରେ ଭାରତୀୟ ଟିମ୍ ଦମ୍ଦାର ବିଜୟ ହାସଲ କରିଥିଲା । ଯାହାଫଳରେ ୩ଟିକିଆ ସିରିଜ୍ରେ ଭାରତୀୟ ଟିମ୍ ୧-୦ରେ ଆଗୁଆ ରହିଛି । ପୂର୍ବ ମ୍ୟାଚ୍ରେ ହିରୋ ସାଜିଥିବା ସୂର୍ଯ୍ୟକୁମାର ଯାଦବଙ୍କଠୁ ମଧ୍ୟ ଶେଷ ମ୍ୟାଚ୍ରେ ଅନେକ ଆଶା ରଖିଛନ୍ତି ଫ୍ୟାନ୍ସ । ତେବେ ତୃତୀୟ ମ୍ୟାଚ୍ ଲାଗି ଭାରତୀୟ ଟିମ୍ରେ ଗୋଟିଏ ପରିବର୍ତ୍ତନ କରାଯାଇଛି । ଖାସ୍ କରି ସଂଜୁ ସାମ୍ସମ ଓ ଉମ୍ରାନ୍ ମଲ୍ଲିକଙ୍କୁ ଚାନ୍ସ ମିଳିପାରେ ବୋଲି ଆଶା କରାଯାଉଥିଲା । କିନ୍ତୁ ତାହା ହେଲାନାହିଁ ।
