ମୁମ୍ଵାଇ ୩୦।୧୧: ବର୍ତ୍ତମାନ କତାରରେ ଫିଫା ଫୁଟବଲ ବିଶ୍ୱକପ ଚାଲାଛି। ଦୁନିଆର ବିଭିନ୍ନ ଦଳ ପରସ୍ପର ବିରୁଦ୍ଧରେ ଟକ୍କର ଦେଉଛନ୍ତି। ଏହି ସମୟରେ ବଲିଉଡର ଜଣାଶୁଣା ନୃତ୍ୟଶିଳ୍ପୀ ତଥା ଅଭିନେତ୍ରୀ ନୋରା ଫତେହି ମଧ୍ୟ କତାରରେ ପହଞ୍ଚିଛନ୍ତି। ଫିଫା ବିଶ୍ୱକପରେ ନୋରା ଫୁଟବଲ ଷ୍ଟାଡିୟମରେ ମଜା ଉଠାଉଛନ୍ତି। ତାଙ୍କ ପ୍ରଶଂସକଙ୍କ ପାଇଁ ସୋସିଆଲ ମିଡିଆରେ କ୍ରମାଗତ ଭାବରେ ଚିତ୍ର ଏବଂ ଭିଡିଓ ସେୟାର କରୁଛନ୍ତି । ବର୍ତ୍ତମାନ ତାଙ୍କର ଏକ ଭିଡିଓ ସାମ୍ନାକୁ ଆସିଛି। ଯେଉଁଥିରେ ନୋରା ଷ୍ଟାଡିୟମ ମଝିରେ ଖୁସିରେ ନାଚିବା ଆରମ୍ଭ କରିଥିଲେ। ତାଙ୍କ ପ୍ରିୟ ଦଳର ଖେଳ ଦେଖିବା ପରେ ନୁହେଁ, ବରଂ ଅନ୍ୟ କୌଣସି କାରଣରୁ । ନିକଟରେ ନୋରା ଫୁଟବଲ୍ ମ୍ୟାଚ୍ ପାଇଁ କତାରେ ପହଞ୍ଚିଥିଲେ। ସେଠାରେ ମ୍ୟାଚ୍କୁ ଖୁବ୍ ଉପଭୋଗ କରୁଥିବାର ଦେଖିବାକୁ ମିଳିଥିଲା। ଏନେଇ ନୋରା ନିଜେ ସୋସିଆଲ ମିଡିଆରେ ତାଙ୍କ ଡ୍ୟାନ୍ସର ଭିଡିଓ ସେୟାର କରିଛନ୍ତି। ଭିଡିଓରେ ତାଙ୍କୁ ନୀଳ ରଙ୍ଗର ପୋଷାକ ପିନ୍ଧିଥିବା ବେଳେ ବହୁତ ସୁନ୍ଦର ଦେଖାଯାଉଛନ୍ତି। ଭିଡିଓରେ ସେ ଷ୍ଟାଡିୟମରେ ନାଚୁଛନ୍ତି। କାରଣ ଫିଫା ବିଶ୍ୱକପ ସହ ଜଡିତ ତାଙ୍କ ଗୀତ ଷ୍ଟାଡିୟମରେ ଲାଗିଥିଲା । ଯାହା ଶୁଣି ସେ ଖୁସି ହୋଇ ନାଚିଥିଲେ। ଏହି ଭିଡିଓ ସେୟାର କରିବାବେଳେ ନୋରା କ୍ୟାପସନ ଲେଖିଛନ୍ତି, ‘ଫିଫା ବିଶ୍ୱକପ ଷ୍ଟାଡିୟମରେ ଯେତେବେଳେ ତୁମେ ତୁମର ସ୍ୱର ଶୁଣୁଛ। ଏହା ବହୁତ ବାସ୍ତବ ଥିଲା! ଏହା ହେଉଛି ମାଇଲଖୁଣ୍ଟ ଯାହା ମୋ ଯାତ୍ରାକୁ ଏତେ ମୂଲ୍ୟବାନ କରିଛି। ମୁଁ ସବୁବେଳେ ଏହିପରି ଏକ ମୁହୂର୍ତ୍ତର ସ୍ୱପ୍ନ ଦେଖିଛି, ମୁଁ ସ୍ୱପ୍ନକୁ ସାକାର କରିବା ପାଇଁ ବହୁତ ସ୍ୱପ୍ନ ଦେଖେ! ନିଜ ଉପରେ ବିଶ୍ଵାସ ରଖନ୍ତୁ । ଆଉ ଏହା କେବଳ ଆରମ୍ଭ … ‘ନୋରାଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଅଭିନେତ୍ରୀଙ୍କ ପ୍ରଶଂସକମାନେ ଭିଡିଓକୁ ବହୁତ ପସନ୍ଦ କରୁଛନ୍ତି।
