କେନ୍ଦୁଝର: ସ୍କୁଲରେ ଦୁର୍ବୃତ୍ତର ଆତଙ୍କରାଜ। କଟୁରି ଧରି ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରଛାତ୍ରୀଙ୍କୁ ଗୋଡ଼ାଇଲା ଦୁର୍ବୃତ୍ତ। କେନ୍ଦୁଝର ସଦର ବ୍ଳକ ଜନାର୍ଦ୍ଦନପୁର ପଞ୍ଚାୟତର ଭାଲିଆଡିହି ପ୍ରାଥମିକ ବିଦ୍ୟାଳୟରେ ଏଭଳି ଆତଙ୍କ ଦେଖାଯାଇଛି। ଗାଁର ଜଣେ ମଦ୍ୟପ ଦୁର୍ବୃତ୍ତ ଏକ କଟୁରି ଧରି ସ୍କୁଲରେ ପଶି ସମସ୍ତଙ୍କୁ ଭୟଭୀତ କରିଥିଲା।ଏଥିରେ ଶିକ୍ଷକଶିକ୍ଷୟିତ୍ରୀ ଓ ଛାତ୍ରଛାତ୍ରୀ ଧରି ଦୌଡ଼ିଥିଲେ। ଏଥିରେ ଜଣେ ଛାତ୍ରୀ ଓ ଜଣେ ଶିକ୍ଷୟିତ୍ରୀ ସାମାନ୍ୟ ଆହତ ହୋଇଥିଲେ। ଜଣେ ଶିକ୍ଷୟିତ୍ରୀ ସଦର ଥାନାରେ ଅଭିଯୋଗ କରିବା ପରେ ପୋଲିସ ଗାଁରେ ପହଞ୍ଚି ଦୁର୍ବୃତ୍ତକୁ ଖୋଜିବା ଆରମ୍ଭ କରିଛି। ସଂପୃକ୍ତ ଦୁର୍ବୃତ୍ତର ମାନସିକ ସ୍ଥିତି ଠିକ୍ ନଥିବା ବେଳେ ପ୍ରବଳ ମଦ ପିଇଥିବା ଜଣାପଡ଼ିଛି।
