ଏକ ପୋଲ ତଳୁ ନିଖୋଜ ଥିବା ଦଶମଶ୍ରେଣୀ ଛାତ୍ରଙ୍କ ମୃତ ଦେହ ଉଦ୍ଧାର, ହତ୍ୟା ସନ୍ଦେହ
କଟକ- କଟକରେ ନିଖୋଜ ଥିବା ଦଶମ ଶ୍ରେଣୀ ଛାତ୍ରଙ୍କ ମୃତ ଦେହ ଉଦ୍ଧାର କରାଯାଇଛି । କାଠଯୋଡି ପୋଲ ତଳୁ ଏହି ଛାତ୍ରଙ୍କ ମୃତ ଦେହକୁ ଦେଖି ସ୍ଥାନୀୟ ଲୋକ ପୁଲିସକୁ ଖବର ଦେଇଥିଲେ । ପୁଲିସ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ଏସ୍ସିବି ମେଡିକାଲ୍କୁ ପଠାଇଛି । ଛାତ୍ରଙ୍କୁ ହତ୍ୟା କରାଯାଇଥିବା ତାଙ୍କ ପରିବାର ଲୋକ ଅଭିଯୋଗ କରିଛନ୍ତି ।
କଟକ କଲ୍ୟାଣ ନଗରର ଅଞ୍ଚଳର ଏହି ଛାତ୍ର କିଛି ଦିନ ଧରି ନିଖୋଜ ଥିଲେ । ନଦୀ ବାଲି ଉପରେ ତାଙ୍କ ମୃତ ଦେହ ଦେଖି ସ୍ଥାନୀୟ ଲୋକ ପୁଲିସ କୁ ଖବର ଦେଇଥିଲେ । ଘଟଣାସ୍ଥଳରେ ପୁଲିସ ଏବଂ ଫୋରେନସିକ୍ ଟିମ୍ ପହଞ୍ଚି ଏହାର ତଦନ୍ତ କରିଛନ୍ତି ।
