କେନ୍ଦ୍ରାପଡ଼ାର ଦୁର୍ଦ୍ଦାନ୍ତ ଗ୍ୟାଙ୍ଗ୍ଷ୍ଟର୍ ସେକ୍ ହାଇଦର୍ ଏସ୍ସିବି ମେଡ଼ିକାଲ୍ରେ ଚିକିତ୍ସାଧୀନ ଥିବା ବେଳେ ହସ୍ପିଟାଲ୍ର ପହରା ବ୍ୟବସ୍ଥାକୁ ଚକ୍ମା ଦେଇ ଗତକାଲି ଫେରାର୍ ହୋଇଯାଇଥିବା ବେଳେ ଆଜି ଗ୍ୟାଙ୍ଗଷ୍ଟାର ହାଇଦର ସହଯୋଗୀ ଆତ୍ମସମର୍ପଣ କରିଥିବା ସୂଚନା ମିଳିଛି । ହାଇଦର ସହଯୋଗୀ ସଲୁ ଓରଫ ୟାକୁବର ଆତ୍ମସମର୍ପଣ କରିଥିବା ଜଣାପଡିଛି । କଟକ ଚାଉଳିଆଗଞ୍ଜ ଥାନାରେ ଆତ୍ମସମର୍ପଣ କରିଛି ୟାକୁବ । ଏସସିବିରେ ହାଇଦରକୁ ବିରିୟାନୀ ଦେଇଥିଲା ୟାକୁବ । ଏହି ଘଟଣାରେ ମଧ୍ୟ ୬ଜଣ ସୁରକ୍ଷାଦାୟିତ୍ୱରେ ଥିବା ପୋଲିସ୍ କର୍ମଚାରୀଙ୍କୁ ସସପେଣ୍ଡ କରାଯାଇଛି । ବିଭାଗୀୟ ତଦନ୍ତ ପରେ ହାବିଲଦାର ରମେଶ ଚନ୍ଦ୍ର ଦେହୁରୀ ନିଲମ୍ବିତ ହେବା ସହ ଓ ୫ କନେଷ୍ଟବଳ (ବୁଲବୁଲ୍ ସାହୁ, ଦୀପକ ସାହୁ ,ମହମ୍ମଦ ମୌସିମ୍,ଉମାକାନ୍ତ ବେହେରା ଓ ସୁଧାଂଶୁ ମାଝି)ନିଲମ୍ବିତ ହୋଇଛନ୍ତି ବୋଲି ସମ୍ବଲପୁର ଏସପି ସୁଚନା ଦେଇଛନ୍ତି । ତେବେ ତଦନ୍ତ ପରେ ଯଦି ଜେଲ୍ କତ୍ତୁପକ୍ଷଙ୍କ କିଛି ତୃଟି ଥାଏ ତେବେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଜେଲ୍ ଡ଼ିଆଇଜି ଶୁଭକାନ୍ତ ମିଶ୍ର
