ରାଜ୍ୟର ବିଭିନ୍ନ କଲେଜରେ ହେବାକୁ ଥିବା ଅଫଲାଇନ୍ ପରିକ୍ଷାକୁ ବିରୋଧ କରି ଛାତ୍ରଛାତ୍ରୀ ମାନେ ଅନ୍ଦୋଳନକୁ ଓଲ୍ଲାଇ ଥିଲା ବେଳେ ଆଜି ପୁରୀ ସରକାରୀ ମହିଳା ମହାବିଦ୍ୟାଳୟର ଛାତ୍ରୀମାନେ ପରିକ୍ଷା ଘୁଞ୍ଚାଇବା ଦାବିରେ ଟାୟାର ଜାଳି ରାସ୍ତାରୋକ କରିଛନ୍ତି ଏହା ସହିତ ଉତ୍ୟକ୍ତ ଛାତ୍ରୀମାନେ କଲେଜର ଗେଟକୁ ଭାଙ୍ଗି ଦେଇଛନ୍ତି । ପରିସ୍ଥିତିକୁ ନିୟନ୍ତ୍ରଣ କରିବାକୁ ପୋଲିସ ପହଂଚିଥିବା ବେଳେ ପୋଲିସ ସହିତ ଛାତ୍ରୀ ମାନଙ୍କର ଧସ୍ତାଧସ୍ତି ମଧ୍ୟ ହୋଇଥିଲା । ଏଥିପାଇଁ ଆଜି କଲେଜରେ କ୍ଲାସ୍ ମଧ୍ୟ ହୋଇପାରି ନାହିଁ ।
ତେବେ ଛାତ୍ରୀ ମାନଙ୍କର ଦାବି ଯେ ଆଉ ୧୦ଦିନ ପରିକ୍ଷା ଥିବା ବେଳେ ଅଫଲାଇନ୍ କ୍ଲାସ୍ ସମୟରେ ଅଧ୍ୟପକ ମାନେ କଲେଜ ନଆସିବାରୁ କ୍ଲାସ୍ ନହୋଇ ଆବଶ୍ୟକ କୋର୍ସ ସରିନାହିଁ । ଏପରି ପରସ୍ଥିତିରେ ପରିକ୍ଷା ଦେବାକୁ ଆଦୌ ସମ୍ଭବ ନୁହେଁ ବୋଲି ଛାତ୍ରୀ ମାନେ କହିଛନ୍ତି । ଏହିଭଳି ଅଭିଯୋଗ କରି ଆଜି ଛାତୀମାନେ ରସ୍ତାରେ ଧାରଣା ଦେଇଛନ୍ତି ।
