ଦେଶରେ ହ୍ରାସ ପାଉଛି କରୋନା ସଂକ୍ରମଣର ଗ୍ରାଫ
ଦେଶରେ କରୋନା ସଂକ୍ରମଣର ଗ୍ରାଫ ହ୍ରାସ ଘଟିଛି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ଦେଶରେ ନୂତନ କରୋନା ସଂକ୍ରମଣ ମାମଲା ୩,୫୭,୨୨୯ ରେକର୍ଡ ହୋଇଛି। ଏହି ସମୟ ମଧ୍ୟରେ ଦେଶର ୩,୨୦,୨୮୯ ସୁସ୍ଥ ହୋଇଛନ୍ତି। ସେହିପରି ଗତ ୨୪ ଘଣ୍ଟା ମଧ୍ୟରେ କରୋନା ସଂକ୍ରମଣରେ ମୃତ୍ୟୁ ସଂଖ୍ୟା ୩,୪୪୯ ରେକର୍ଡ ହୋଇଛି। ଭାରତରେ କରୋନାଭାଇରସ୍ ସଂକ୍ରମଣର ସକ୍ରିୟ ରୋଗୀଙ୍କ ସଂଖ୍ୟା ୩୫ ଲକ୍ଷକୁ ବୃଦ୍ଧି ପାଇଛି।ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର) ତଥ୍ୟ ଅନୁଯାୟୀ ଗତକାଲି ୧୬ ଲକ୍ଷ ୬୩ ହଜାର ୭୪୨ ଜଣଙ୍କର ନମୁନା ପରୀକ୍ଷା କରାଯାଇଥିଲା। ଏଥି ସହିତ, ବର୍ତ୍ତମାନ ପର୍ଯ୍ୟନ୍ତ ଭାରତରେ କରୋନା ସଂକ୍ରମଣ ପାଇଁ ମୋଟ ୨୯,୩୩,୧୦,୭୭୯ ନମୁନା ପରୀକ୍ଷା କରାଯାଇଛି। ଗତ ୨୪ ଘଣ୍ଟା ମଧ୍ୟରେ, ୩,୫୭,୨୨୯ ନୂତନ ନୂତନ ସଂକ୍ରମଣ ହୋଇଥିଲା ବେଳେ ୩,୪୪୯ ଜଣଙ୍କର ମୃତ୍ୟୁ ଘଟିଥିଲା ଏବଂ ୩,୨୦,୨୮୯ ସଂକ୍ରମିତ ରୋଗୀ ମଧ୍ୟ ଆରୋଗ୍ୟ ଲାଭ କରିଛନ୍ତି। ସେହିଭଳି ଦେଶରେ ୧୫,୮୯,୩୨,୯୨୧ ଲୋକଙ୍କୁ କରୋନା ଟିକା ଦିଆଯାଇଛି। ମେ ୧ରେ ସଂକ୍ରମଣ ରୋଗୀଙ୍କ ସଂଖ୍ୟା ୪୦୧,୯୯୩ ରିପୋର୍ଟ ହୋଇଥିଲା ଏବଂ ୩୫୨୩ ସଂକ୍ରମିତ ଲୋକଙ୍କ ମୃତ୍ୟୁ ନିଶ୍ଚିତ ହୋଇଥିଲା। ଏକ ରିପୋର୍ଟ ଅନୁଯାୟୀ, ଏପ୍ରିଲରେ ମୋଟ ୬୯,୩୬,୦୩୪ ନୂତନ ମାମଲା ପଞ୍ଜିକୃତ ହୋଇଛି।