ଭାରତ କରୋନା ମହାମାରୀ ବିରୋଧରେ ଆଉ ଏକ ସଫଳ ସଂଗ୍ରାମ ଆଡକୁ ଗତି କରୁଛି। ନୂତନ ମାମଲା ସଂଖ୍ୟା କ୍ରମାଗତ ଭାବେ ହ୍ରାସ ପାଉଛି, ସୁସ୍ଥ ହେଉଥିବା ରୋଗୀମାନେ ବୃଦ୍ଧି ପାଉଛନ୍ତି, ପରୀକ୍ଷା ସହିତ ଟୀକାକରଣ ମଧ୍ୟ ବୃଦ୍ଧି ପାଉଛି। ଗତ ଛଅଦିନରେ ଅଧିକ ରୋଗୀ କରୋନାରୁ ମୁକ୍ତି ପାଇଛନ୍ତି। ତିନି ଦିନ ପାଇଁ ପ୍ରତିଦିନ ତିନି ଲକ୍ଷରୁ କମ୍ ସଂକ୍ରମିତ ହେଉଛନ୍ତି। ଗତ ଏକ ସପ୍ତାହ ମଧ୍ୟରେ ସଂକ୍ରମଣ ହାର ଛଅ ପ୍ରତିଶତରୁ ଅଧିକ ହ୍ରାସ ପାଇଛି। ତଥାପି ଦୈନନ୍ଦିନ ମୃତ୍ୟୁ ସଂଖ୍ୟାରେ ହ୍ରାସ ପରିଲକ୍ଷିତ ହୋଇନାହିଁ। ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର) ଅନୁଯାୟୀ କରୋନା ସଂକ୍ରମଣ ଚିହ୍ନଟ ପାଇଁ ମଙ୍ଗଳବାର ଦେଶରେ ୨୦,୦୮,୨୯୬ ନମୂନା ଯାଞ୍ଚ କରାଯାଇଥିଲା। କେବଳ ଭାରତ ନୁହେଁ, ଦୁନିଆର କୌଣସି ଦେଶ ଗୋଟିଏ ଦିନରେ ଏତେ ସଂଖ୍ୟକ ନମୂନା ପରୀକ୍ଷା କରିନାହାଁନ୍ତି। ମିଳିତ ଭାବେ ଦେଶରେ ଏପର୍ଯ୍ୟନ୍ତ ୩୨ କୋଟିରୁ ଅଧିକ ନମୁନା ପରୀକ୍ଷା କରାଯାଇଛି ଏବଂ ମୋଟ ସଂକ୍ରମଣ ହାର ବର୍ତ୍ତମାନ ୭.୯୬ ପ୍ରତିଶତ ରହିଛି। ୨୪ ଘଣ୍ଟାରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ ଜାତୀୟ ସଂକ୍ରମଣ ହାର ବୁଧବାର ୧୩.୩୧ ପ୍ରତିଶତ ରେକର୍ଡ ହୋଇଥିବାବେଳେ ରେକର୍ଡ ନମୂନା ଯାଞ୍ଚ କରାଯାଇଥିଲା। ଏହାପୂର୍ବରୁ ମେ ୧୩ ରେ କମ୍ ନମୁନା ଯାଞ୍ଚ କରାଯାଇଥିଲା, କିନ୍ତୁ ସଂକ୍ରମଣ ୧୯.୪୫ ପ୍ରତିଶତ ଥିଲା।
