ଦେଶରେ ଦ୍ୱିତୀୟ କରୋନା ଲହର ବର୍ତ୍ତମାନ ସାମାନ୍ୟ ହ୍ରାସ ପାଉଛି। ଗତ କିଛି ଦିନ ହେବ ଦୈନିକ ମିଳୁଥିବା କରୋନା ରୋଗୀଙ୍କ ସଂଖ୍ୟା ହ୍ରାସ ପାଉଛି। ତଥାପି ତୃତୀୟ ଲହରର ଭୟ ରହିଥିବାରୁ ଟିକାକରଣ ଅଭିଯାନକୁ ତ୍ୱରାନ୍ୱିତ କରିବାକୁ ଉଦ୍ୟମ କରାଯାଉଛି। ଭାରତ ବର୍ତ୍ତମାନ ଦୁଇଟି କରୋନା ଟିକା ବ୍ୟବହାର କରୁଛି। ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ନିର୍ମିତ କୋଭିଡଟିକା ‘କୋଭିଶିଲ୍ଡ’ ଏବଂ ଭରତ ବାୟୋଟେକର ସ୍ୱଦେଶୀ ଉତ୍ପାଦିତ କୋଭାକ୍ସିନ ଟିକାକରଣ ଅଭିଯାନରେ ବ୍ୟବହାର କରୁଛି। ଭବିଷ୍ୟତରେ ବିଦେଶ ଯାତ୍ରା ପାଇଁ ଲୋକଙ୍କୁ ଟିକାକରଣ ପ୍ରମାଣପତ୍ର ପ୍ରସ୍ତୁତ କରିବାକୁ ପଡିବ। ଏହି ପରିପ୍ରେକ୍ଷୀରେ ନାଗରିକମାନେ କୋଭାକ୍ସିନ୍ ସଟ୍ ନେଇଛନ୍ତି ସେମାନେ ହୁଏତ ଅନ୍ତର୍ଜାତୀୟ ଯାତ୍ରା କରିପାରିବେ ନାହିଁ। କାରଣ ଅଧିକାଂଶ ଦେଶ ନିଜ ନିଜ ନିୟାମକ ଏଜେନ୍ସି ଦ୍ୱାରା ଅନୁମୋଦିତ ଟିକା କିମ୍ବା ହୁର ଜରୁରୀକାଳୀନ ବ୍ୟବହାର ତାଲିକାକୁ ନେଇ ବିଚାର କରୁଛନ୍ତି। ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର କୋଭିଶିଲ୍ଡ, ମୋଡର୍ନା, ଫାଇଜର, ଆଷ୍ଟ୍ରା ଜେନେଙ୍କା, ସିନୋଫାରମ୍ / ବିବିଆଇପି, ଜନସେନ୍ (ଆମେରିକା ଏବଂ ନେଦରଲ୍ୟାଣ୍ଡ) ବିଶ୍ୱ ସ୍ୱାସ୍ଥ୍ୟ ସଂଗଠନର ଜରୁରୀକାଳୀନ ବ୍ୟବହାର ତାଲିକାରେ ସ୍ଥାନ ପାଇଛି। କିନ୍ତୁ କୋଭାକ୍ସିନ୍ ଏପର୍ଯ୍ୟନ୍ତ ପାଇନାହିଁ । ଏହି ତାଲିକାରେ ନିଜକୁ ଅନ୍ତର୍ଭୁକ୍ତ କରିବା ପାଇଁ ଭରତ ବାୟୋଟେକ ଏହାର ଆଗ୍ରହ ପ୍ରକାଶ କରିଛି। ମେ-ଜୁନରେ ଏକ ବୈଠକ ହେବ ବୋଲି ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି।
