ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କୋଭିଡ ଟିକା କରଣ ଦାୟିତ୍ବ କେନ୍ଦ୍ର ସରକାର ନେବା ଗତକାଲି ଘୋଷଣା କରିଥିବା ବେଳେ ଆଜି କେନ୍ଦ୍ର ସରକାର ଜାତୀୟ ଟୀକାକରଣ କାର୍ଯ୍ୟକ୍ରମ ପାଇଁ ସଂଶୋଧିତ ନିର୍ଦ୍ଦେଶାବଳୀ ପ୍ରକାଶ କରିଛନ୍ତି। ଜୁନ୍ 21 ସୁଦ୍ଧା ଦୁଇ ସପ୍ତାହ ସମୟ ମଧ୍ୟରେ ଏହି ନିଷ୍ପତ୍ତି କାର୍ଯ୍ୟକାରୀ ହେବ ବୋଲି ସୂଚନା ମିଳିଛି। ଭାରତ ସରକାରଙ୍କ ଦ୍ୱାରା ମାଗଣାରେ ପ୍ରଦାନ କରାଯାଇଥିବା ଟିକା ଡୋଜ ଜନସଂଖ୍ୟା, ରୋଗ ଭାର ଏବଂ ଟୀକାକରଣର ଅଗ୍ରଗତି ପରି ମାନଦଣ୍ଡ ଆଧାରରେ ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳକୁ ବଣ୍ଟନ କରାଯିବ। ଏହା ଦ୍ବାରା କମ ଟୀକାକରଣର ଅପଚୟ ହେବ ବୋଲି ସରକାର ସଂଶୋଧିତ ନିର୍ଦ୍ଦେଶାବଳୀରେ କହିଛନ୍ତି। ସ୍ବାସ୍ଥ୍ୟ ଚିକିତ୍ସା ଏବଂ ଫ୍ରଣ୍ଟଲାଇନ କର୍ମଚାରୀ, 45 ବର୍ଷରୁ ଅଧିକ ବୟସ୍କ, ଯେଉଁ ନାଗରିକମାନଙ୍କର ଦ୍ୱିତୀୟ ଡୋଜ ଆଗରୁ ମାଗଣାରେ ମିଳି ଆସୁଛି ଏବଂ 18 ବର୍ଷରୁ ଅଧିକ ଲୋକ, ସେମାନଙ୍କୁ ରାଜ୍ୟ ଦ୍ବାରା ପ୍ରଦାନ କରାଯିବାକୁ ଥିବା ମାଗଣା ଟିକା ଡୋଜ ଉପରେ ପ୍ରାଥମିକତା ଦିଆଯିବ। ଏଥିରେ କୁହାଯାଇଛି ଯେ 18 ବର୍ଷରୁ ଅଧିକ ନାଗରିକଙ୍କ ଜନସଂଖ୍ୟା ଗୋଷ୍ଠୀ ମଧ୍ୟରେ, ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳ ଟିକା ଯୋଗାଣ ସୂଚୀରେ ନିଜର ପ୍ରାଥମିକତା ସ୍ଥିର କରିପାରନ୍ତି। ତେବେ ଗତକାଲି ପ୍ରଧାନମନ୍ତ୍ରୀ ମୋଦୀ ଏକ କେନ୍ଦ୍ରୀଭୂତ ଟିକା କରଣ ପ୍ରକ୍ରିୟା ଆରମ୍ଭ ଘୋଷଣା କରି କହିଛନ୍ତି ଯେ ଦେଶରେ ଉତ୍ପାଦକମାନଙ୍କ ଦ୍ବାରା ଉତ୍ପାଦିତ ହେଉଥିବା 75% ଟିକା କେନ୍ଦ୍ର କ୍ରୟ କରିବ। ରାଜ୍ୟଗୁଡ଼ିକ ଦ୍ୱାରା କରାଯିବାକୁ ଥିବା କୋଭିଡ୍ -19 ଟିକା ମଧ୍ୟରୁ 25 ପ୍ରତିଶତ ମଧ୍ୟ କେନ୍ଦ୍ର କ୍ରୟ କରିବ । ପ୍ରଧାନମନ୍ତ୍ରୀ ମୋଦୀ ଏହା ମଧ୍ୟ କହିଛନ୍ତି ଯେ ଘରୋଇ ଡାକ୍ତରଖାନା ଦ୍ୱାରା ସିଧାସଳଖ 25 ପ୍ରତିଶତ ଟିକା ଦିଆଯାଉଥିବା ବ୍ୟବସ୍ଥା ଜାରି ରହିବ।
