ସେଣ୍ଟ୍ରାଲ୍ ବୋର୍ଡ ଅଫ୍ ସେକେଣ୍ଡାରୀ ଏଜୁକେସନ୍ (ସିବିଏସ୍ଇ) ଅନଲାଇନ ମୋଡରେ ଦ୍ୱାଦଶ ଛାତ୍ରଛାତ୍ରୀଙ୍କ ପାଇଁ ଇଣ୍ଟରନାଲ ଓ ପ୍ରାକ୍ଟିକାଲ ପରୀକ୍ଷା କରିବାକୁ ଯାଉଛି। ଏସଂପର୍କରେ ସିବିଏସ୍ଇ କର୍ତ୍ତୃପକ୍ଷ ସମସ୍ତ ପ୍ରିନ୍ସିପାଲ୍ ସ୍କୁଲମାନଙ୍କୁ ବିଜ୍ଞପ୍ତି ଜାରି କରିଛନ୍ତି। ମହାମାରୀ ଯୋଗୁଁ ବାଧାପ୍ରାପ୍ତ ଛାତ୍ରମାନଙ୍କର ଇଣ୍ଟରନାଲ ଓ ପ୍ରାକ୍ଟିକାଲ ପରୀକ୍ଷା ଅନଲାଇନ୍ ମୋଡରେ କରାଯିବ। ସେହିଭଳି ବିଦ୍ୟାଳୟ କର୍ତ୍ତୃପକ୍ଷ ଭର୍ଚୁଆଲ୍ ମୋଡ୍ ଉପରେ ପ୍ରକଳ୍ପ ମୂଲ୍ୟାଙ୍କନ ମଧ୍ୟ କରିବେ। ଇଣ୍ଟରନାଲ ଓ ପ୍ରାକ୍ଟିକାଲ ମୂଲ୍ୟାଙ୍କନ ପାଇଁ ସିବିଏସ୍ଇ ବିଷୟଭିତ୍ତିକ ଇଣ୍ଟରନାଲ ପରୀକ୍ଷକ ନିଯୁକ୍ତ କରିଛି । ତେବେ ଛାତ୍ରଛାତ୍ରୀଙ୍କୁ ପୂର୍ବ ନୋଟିସ ସହିତ ଅନଲାଇନ୍ ଆଭ୍ୟନ୍ତରୀଣ ପରୀକ୍ଷା ବ୍ୟବସ୍ଥା କରିବାକୁ ବିଦ୍ୟାଳୟ କର୍ତ୍ତୃପକ୍ଷଙ୍କୁ କୁହାଯାଇଛି। ଯେଉଁ ବିଷୟଗୁଡ଼ିକରେ ସିବିଏସ୍ଇ କୌଣସି ଇଣ୍ଟରନାଲ ପ୍ରାକ୍ଟିକାଲ୍ ପରୀକ୍ଷା ଓ ପ୍ରକଳ୍ପ କାର୍ୟ୍ୟର ମୂଲ୍ୟାଙ୍କନ ଦେଇନାହିଁ, ସେହି ବିଷୟଗୁଡ଼ିକ ବିଦ୍ୟାଳୟଗୁଡ଼ିକର ବିଷୟବସ୍ତୁ ଶିକ୍ଷକମାନଙ୍କ ଦ୍ୱାରା କାର୍ଯ୍ୟକାରୀ ହେବ। ସେହି ଅନୁଯାୟୀ, ଶିକ୍ଷକ ଅନଲାଇନ୍ ପରୀକ୍ଷା କରିବେ ଓ ପ୍ରାପ୍ତ ହୋଇଥିବା ମାର୍କକୁ ସିବିଏସଇ ୱେବସାଇଟରେ ଅନଲାଇନ୍ ଉପସ୍ଥାନର ଫଟୋଗ୍ରାଫି ସହିତ ପୋଷ୍ଟ କରିବେ।
