ୱାଶିଂଟନ, ଅଗଷ୍ଟ ୧୦ : କରୋନା ଭାଇରସ ମହାମାରୀ ଆମେରିକାରେ ପୁଣି ଥରେ ଚିନ୍ତା ବଢ଼ାଇଛି । ଗତ ୩ ତାରିଖରେ ଦେଶରେ ୧ ଲକ୍ଷ ୧୬ ହଜାରରୁ ଅଧିକ ଲୋକ କରୋନାରେ ସଂକ୍ରମିତ ହୋଇଥିଲେ । କିନ୍ତୁ କିଛି ଦିନ ପାଇଁ ଏହି ସଂଖ୍ୟା ହ୍ରାସ ପାଇଥିବା ବେଳେ ଗତ ୨୪ ଘଣ୍ଟା ମଧ୍ୟରେ ୯୫ ହଜାର ୮୬୮ ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି । ବିଗତ ୨୪ ଘଣ୍ଟା ମଧ୍ୟରେ ଆମେରିକାରେ ୪୨ ହଜାର ୫୨୯ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ଏହି ସମୟ ମଧ୍ୟରେ ୩୦୨ ଜଣଙ୍କର ମୃତ୍ୟୁ ହୋଇଛି । ଆମେରିକାରେ କରୋନା ସଂକ୍ରମିତଙ୍କ ସଂଖ୍ୟା ୩ କୋଟି ୬୭ ଲକ୍ଷ ୬୮ ହଜାର ୧୭କୁ ବୃଦ୍ଧି ପାଇଛି । ଦେଶରେ ୬ ଲକ୍ଷ ୩୩ ହଜାର ୭୮୧ ଜଣଙ୍କର ମୃତ୍ୟୁ ହୋଇଛି । ମୋଟ ୨ କୋଟି ୯୯ ଲକ୍ଷ ୧୭ ହଜାର ୭୦୭ ଲୋକ ସୁସ୍ଥ ହୋଇଥିବା ବେଳେ ୬୨ ଲକ୍ଷ ୧୭ ହଜାର ୧୬୧ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ଏଥିରୁ ୧୬ ହଜାର ୫୫ ଜଣ ଗୁରୁତର ଅଛନ୍ତି ।
