ଚଣ୍ଡୀଗଡ଼, ଅଗଷ୍ଟ ୧୦ : ପଂଜାବରେ ଅମୃତସରର ଏକ ଗାଁରେ ୨ କିଲୋରୁ ଅଧିକ ଓଜନର ଅଧିକ ଆରଡିଏକ୍ସ ସହିତ ଟିଫିନ ବୋମା ମିଳିବା ପରେ ସ୍ଥାନୀୟ ଅଂଚଳରେ ଭୟର ବାତାବରଣ ଦେଖାଯାଇଛି । ଟିଫିନ ବୋମା ମିଳିବା ପରେ ରାଜ୍ୟରେ ହାଇଆଲର୍ଟ ଜାରି କରାଯାଇଛି । ପୋଲିସକୁ ସଂଦେହ ହୋଇଛି ଯେ, ଏହି ବୋମା ପାକିସ୍ତାନରୁ ବିଗତ ଦିନରେ ଉଡାଯାଇଥିବା ଡ୍ରୋନ ମାଧ୍ୟମରେ ଖସାଯାଇଛି । ଡିଜିପି ଦିନକର ଗୁପ୍ତା କହିଛନ୍ତି, ବୋମାରେ ରିମୋଟ କଣ୍ଟ୍ରୋଲ ଅଥବା ଟାଇମର ମାଧ୍ୟମରେ ବିସ୍ଫୋରଣ କରାଯାଇପାରିଥାନ୍ତା । ସେ କହିଛନ୍ତି, ଟିଫିନ ବକ୍ସ ବୋମାକୁ ଆଇଆଇଡି କୁହାଯାଇପାରିବ । ଆଇଇଡିକୁ ୨ଟି ଟିଫିନ ବକ୍ସରେ ରଖ।।ଇଥିଲା ଏବଂ ଏହାରି ଉପରେ ଆକର୍ଷକ ଚିତ୍ର ଲଗାଯାଇଥିଲା । ତେବେ ସ୍ୱାଧୀନତା ଦିବସ ମାତ୍ର କେଇଟା ଦିନ ବାକି ଥିବାରୁ ଅସାମାଜିକ ବ୍ୟକ୍ତିମାନେ ଏଭଳି କାମ କରିଥିବା ପୋଲିସ ସଂଦେହ କରୁଛି ।
