ଭୁବନେଶ୍ବର, ଅଗଷ୍ଟ ୧୯ ପୂର୍ବତନ ପିସିସି ସଭାପତି ଜୟଦେବ ଜେନାଙ୍କ ପୁଅ ତଥା ଯୁବ କଂଗ୍ରେସ ନେତା ସଂଗ୍ରାମ ଜେନାଙ୍କର ପରଲୋକ ହୋଇଯାଇଛି। ଏନେଇ ସୁଚନା ଦେଇଛନ୍ତି ତାଙ୍କ ସାନ ଭାଇ ମନୋଜ ଜେନା । କରୋନାରେ ଚିକିତ୍ସିତ ହେଉଥିବାବେଳେ ଆଜି ସକାଳେ ଡାକ୍ତରଖାନାରେ ତାଙ୍କର ପରଲୋକ ଘଟିଛି । ସେ ଗତକିଛି ଦିନ ତଳେ କରୋନାରେ ଗୁରୁତର ହୋଇପଡ଼ିଥିଲେ ଫଳରେ ହାଇଦ୍ରାବାଦରେ ତାଙ୍କୁ ୮୪ ଦିନ ଧରି ଏକମୋ ଚିକିତ୍ସା ଦିଆଯାଉଥିଲା । କିନ୍ତୁ ଜୀବନ ସଂଗ୍ରାମରେ ସେ ହାରି ଯାଇଛନ୍ତି ତେଣୁ ଆଜି ତାଙ୍କର ମୃତ୍ୟୁ ହୋଇଛି । ନିର୍ବାଚନ ରାଜନୀତିରେ ସେ ସଫଳ ହୋଇନଥିଲେ ମଧ୍ୟ ରାଜ୍ୟ ରାଜନୀତିରେ ତାଙ୍କର ବେଶ ପତିଆରା ରହିଥିଲା । ପୂର୍ବତନ ପିସିସି ସଭାପତି ଜୟଦେବ ଜେନାଙ୍କର ସେ ସୁଯୋଗ୍ୟ ସନ୍ତାନ ଥିଲେ ।
