ବାଲିପାଟଣା,ସେପ୍ଟେମ୍ବର ୨୩ : ବାଲିପାଟଣା ଥାନା ଆଳୋଇ-ପଦ୍ମପୁର ରାସ୍ତାରେ ଜଣେ ଫାଇନାନ୍ସ କର୍ମଚାରୀ ଙ୍କ ବେକରେ ମାରଣାସ୍ତ୍ର ଲଗାଇ ଲୁଟେରା ଲୁଟି ନେଲେ ୩୭ ହଜାର ଟଙ୍କା । ଗତକାଲି ପ୍ରାୟ ସାଢେ ଦୁଇଟା ସମୟରେ ସମସ୍ଥା ଫାଇନାନ୍ସ ନିମାପଡ଼ା ଶାଖାର କର୍ମଚାରୀ ଲୋକନାଥ ମହାରଣା ଋଣ ଟଙ୍କା ସଂଗ୍ରହ କରି ଶାଖାକୁ ଫେରୁଥିଲେ ।
ଠିକ୍ ଏହି ସମୟରେ ପଦ୍ମପୁର ଠାରେ ଦୁଇ ଜଣ ଲୁଟେରା ଏକ ବାଇକରେ ଆସି ଲୋକନାଥଙ୍କୁ ଅଟକାଇଥିଲେ ଏବଂ ଏକ ମାରଣାସ୍ତ୍ର ଲଗାଇ ଟଙ୍କା ବ୍ୟାଗ୍ ଛଡାଇଥିଲେ ।
ଟଙ୍କା ବ୍ୟାଗରେ ୩୭ ହଜାର ଟଙ୍କା ଥିବା ଲୋକନାଥ ପୋଲିସକୁ ଜଣାଇଛନ୍ତି । ପୋଲିସ ସ୍ଥାନୀୟ ଅଞ୍ଚଳ ରେ ଲାଗିଥିବା ସିସିଟିଭି ଫୁଟେଜ ରୁ କିଛି କ୍ଲିପ୍ ଆଣି ତଦନ୍ତ ଚଳାଇଛି ।