ମୟୂରଭଞ୍ଜ, ଅକ୍ଟୋବର ୨୩ : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମୟୂରଭଞ୍ଜ ଗସ୍ତ ସମୟରେ ବିଜେପି ଓ ଜେଏମଏମ କାର୍ଯ୍ୟକର୍ତ୍ତାଙ୍କୁ ମାଡ ମାରିବା ଅଭିଯୋଗରେ ଅତି କମରେ ଦୁଇ ଜଣ ବିଜେଡି କର୍ମୀଙ୍କ ପୁଅଙ୍କୁ ଗିରଫ କରାଯାଇଛି ବୋଲି ପୋଲିସ ସୂଚନା ଦେଇଛି । ଗତକାଲି ହେଲିପ୍ୟାଡ ନିକଟରେ ମୁଖ୍ୟମନ୍ତ୍ରୀଙ୍କୁ କଳା ପତାକା ଦେଖାଇବାକୁ ଚେଷ୍ଟା କରୁଥିବା ବେଳେ ଅଭିଯୁକ୍ତ ଦୁଇଜଣ ବିଜେପି ଏବଂ ଜେଏମଏମର କାର୍ଯ୍ୟକର୍ତ୍ତାଙ୍କୁ ମାଡମାରି ତାଙ୍କ ମୁହଁ ଫଟାଇ ଦେଇଥିଲେ ।
ବିଜେଡି ସଦସ୍ୟଙ୍କ ଆକ୍ରମଣ ଯୋଗୁଁ ବିଜେପି ଓ ଜେଏମଏମ୍ର କାର୍ୟ୍ୟକର୍ତ୍ତାମାନେ ଗୁରୁତର ଆହତ ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିଲେ । ପରେ ବରିପଦା ଟାଉନ ପୋଲିସ ଏହି ଘଟଣାରେ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ ଗିରଫ କରିଥିଲା। ଗତକାଲି ମୁଖ୍ୟମନ୍ତ୍ରୀ ବିଜୁ ସ୍ୱାସ୍ତ୍ୟ କଲ୍ୟାଣ ଯୋଜନା ଅଧୀନରେ ସ୍ମାର୍ଟ ସ୍ୱାସ୍ଥ୍ୟ କାର୍ଡ ବଣ୍ଟନ ପାଇଁ ମୟୂରଭଞ୍ଜ ଜିଲ୍ଲା ଗସ୍ତ କରିଥିଲେ। ଏହି ସମୟରେ ବିଜେଡି କର୍ମୀ ମାରପିଟ କରିଥିବା ଖବର ସମ୍ନାକୁ ଆସିଥିଲା ।
