କୋରାପୁଟ ,ଡିସେମ୍ବର 29 : ରାଜ୍ୟରେ ଦିନକୁ ଦିନ ଗଞ୍ଜେଇ ଚୋରା ଚାଲାଣ କାରବାର ବଢୁଥିବା ବେଳେ ଏହା ଉପରେ ରୋକ୍ ଲଗାଇବା ପାଇଁ ବିଭିନ୍ନ ଜିଲ୍ଲାରେ “ଅପରେସନ ଗ୍ରୀନ କ୍ଲିନ” କାର୍ଯ୍ୟ ଆରମ୍ଭ ହୋଇଛି । ଏହି ପରିପେକ୍ଷୀରେ ମାଛକୁଣ୍ଡ ଥାନା ଅନ୍ତର୍ଗତ ମାଓ ପ୍ରଭାବିତ ଆନ୍ଧ୍ର ସୀମାନ୍ତବର୍ତୀ ଗୋଡି ହଞ୍ଜର, ବଡକିଚୋବ ଏବଂ କଣ୍ଟାଗ୍ରାମ ଜଙ୍ଗଲରେ କୋରାପୁଟ ପୋଲିସ , ଡିଭି.ଏଫ, ଅବକାରୀ ବିଭାଗ, ବନ ବିଭାଗ ଏବଂ ଏଗଜ୍ୟୁକେଟିଭ୍ ମାଜିଷ୍ଟେଟ ଙ୍କ ଉପସ୍ଥିତିରେ ୪୭ ଏକର ଗଞ୍ଜେଇ ଚାଷ ନଷ୍ଟ କରାଯାଇଛି । ୪୭ ଏକରରେ ଚାଷ ହୋଇଥିବା ୫୬ହଜାର ୪ସହ ଗଞ୍ଜେଇ ଗଛ ନଷ୍ଟ କରିଛି । ପ୍ରଥମେ ଡ୍ରୋନ୍ ସାହାଯ୍ୟରେ ଗଞ୍ଜେଇ ଚାଷକୁ ଚିହ୍ନଟ କରାଯାଇଥିଲା । ଏହି ଗ୍ରାମ ଗୁଡ଼ିକ ଆନ୍ଧ୍ର ସୀମାନ୍ତବର୍ତୀ ଏବଂ ମାଓ ପ୍ରଭାବିତ ଅଞ୍ଚଳ ହୋଇଥିବାରୁ କଡା ସୁରକ୍ଷା ମଧ୍ୟରେ ଗଞ୍ଜେଇ ଗଛ ନଷ୍ଟ କରାଯାଇଛି ।
