ପେଶାଓ୍ୱାର ୧୦/୦୫: ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫ ତେହେରିକ-ଇ-ଇନସାଫ (ପିଟିଆଇ) ର ଅଧ୍ୟକ୍ଷ ତଥା ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ କଡ଼ା ଟାର୍ଗେଟ କରିଛନ୍ତି । ସେ କହିଛନ୍ତି ଯେ ଇମ୍ରାନ ଖାନ ତାଙ୍କ ଭାଷଣରେ ପାକିସ୍ତାନର ପ୍ରତିଟି ବ୍ୟକ୍ତିଙ୍କ ମନରେ ଭରୁଛନ୍ତି ବିଷ । ନୂଆ ସରକାର ଗଠନ ହେବା ପରଠାରୁ ଜାତୀୟ ସଭାର ପ୍ରଥମ ନିୟମିତ ଅଧିବେଶନରେ ଶାହବାଜ କହିଛନ୍ତି ଯେ ଖାନ ବାରମ୍ବାର (ତତ୍କାଳୀନ ବିରୋଧୀ ଏବଂ ବର୍ତ୍ତମାନ ସରକାର) ଚୋର ଏବଂ ଡକାୟତ ବୋଲି କହୁଥିବାରୁ ଦେଶ ବିଭାଜିତ ହୋଇଛି । ଶାହବାଜ ଖାନସାହେବଙ୍କ ଏଓ୍ୱଟାବାଦର ଭାଷଣକୁ ବିପଜ୍ଜନକ ବୋଲି କହିଥିଲେ । ଏହାସହ ଦେଶ ପ୍ରତି ବିଷ ଓଗାଳୁଥିବା ଅଭିଯୋଗ କରିଥିଲେ । ପାକିସ୍ତାନର ଅନୁଷ୍ଠାନଗୁଡିକ ବିଷୟରେ ସିଧାସଳଖ ସୂଚନା ଦେଇ ଇମ୍ରାନ ଖାନ କହିଛନ୍ତି ଯେ ନବାବ ସିରାଜ-ଉଦ-ଦୌଲାଙ୍କ ସେନାଧ୍ୟକ୍ଷ ହେଉଛନ୍ତି ମୀର ଜାଫର ଏବଂ ମିର ସାଦିକ । ସେ କହିଛନ୍ତି ଯେ ଯଦି ଖାନଙ୍କୁ ଅନୁଷ୍ଠାନଗୁଡ଼ିକୁ ସମାଲୋଚନା କରିବା ବନ୍ଦ ନକରାଯାଏ, ତେବେ ପାକିସ୍ତାନ ଶୀଘ୍ର ସିରିଆ ଏବଂ ଲେବାନନ ଭଳି ହୋଇଯିବ । ଯେଉଁଠାରେ ଏକ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଛି । ରବିବାର ଦିନ ଏଓ୍ୱଟାବାଦରେ ଏକ ସାଧାରଣ ସଭାରେ ଉଦବୋଧନ ଦେଇ ପିଟିଆଇ ସଭାପତି ଶାହାବାଜ ସରିଫଙ୍କ ସରକାରଙ୍କୁ ଚେତାବନୀ ଦେଇଛନ୍ତି । ସେ କହିଛନ୍ତି ଯେ ଆସନ୍ତା ୨୦ରେ ହେବାକୁ ଥିବା ପଦଯାତ୍ରା ସମୟରେ କୌଣସି ଶକ୍ତି ତାଙ୍କୁ କେନ୍ଦ୍ର ରାଜଧାନୀରେ ପ୍ରବେଶ କରିବାରେ ରୋକି ପାରିବେ ନାହିଁ । ପାକିସ୍ତାନ ମୁସଲିମ ଲିଗ ନୱାଜ (PML-N) ଙ୍କ ନେତୃତ୍ୱରେ ସେ କେନ୍ଦ୍ର ସରକାରଙ୍କୁ ଚେତାବନୀ ଦେଇଛନ୍ତି ଯେ ପ୍ରକୃତ ସ୍ୱାଧୀନତା ପାଇବାକୁ ତଥା ଆମଦାନୀ ହୋଇଥିବା ସରକାରକୁ ବିରୋଧ କରିବାକୁ ଦୁଇ ଲକ୍ଷରୁ ଅଧିକ ଲୋକ ଇସଲାମାବାଦରେ ପହଞ୍ଚିବେ ।
