ଧନକଉଡ଼ା : ବୁର୍ଲା ଥାନା ଅନ୍ତର୍ଗତ ପୁରୁଣା ଝାଙ୍କରପାଲି ଗାଁର ନନ୍ଦଲାଲ ମିର୍ଦ୍ଧାଙ୍କ ପୁଅ ବୃଷଭାନୁ ମିର୍ଦ୍ଧା ଓରଫ ହଳୁ (୨୭) ମାଛ ଧରିବାକୁ ଯାଇ ପାୱାର କେନାଲରେ ବୁଡ଼ି ପ୍ରାଣ ହରାଇଛନ୍ତି। ସ୍ଥାନୀୟ ଲୋକଙ୍କ କହିବାନୁସାରେ ଗୁରୁବାର ଅପରାହ୍ଣରେ ଗାଁ’ର ୪/୫ ଜଣ ଯୁବକ ନିକଟସ୍ଥ ପାୱାର କେନାଲକୁ ମାଛ ମାରିବାକୁ ଯାଇଥିଲେ। ସେମାନଙ୍କ ମଧ୍ୟରୁ କେତେଜଣ ଝଙ୍କରପାଲି ଗ୍ରାମ ପାୱାର କେନାଲ ଗାଧୁଆ ତୁଠରେ ବ୍ଲାଷ୍ଟିଂ କରି ମାଛ ମାରିଥିଲେ। ବ୍ଲାଷ୍ଟିଂ ପରେ ବୃଷଭାନୁ ପାଣିରେ ବୁଡ଼ି ମାଛ ଗୋଟାଉଥିବା ବେଳେ ଆଉ ଉପରକୁ ଉଠିପାରି ନଥିଲେ। ଖବର ପାଇ ଗାଁର କିଛି ଲୋକ ସେଠାରେ ବହୁ ସମୟ ପର୍ଯ୍ୟନ୍ତ ଖୋଜାଖୋଜି କରିଥିଲେ ହେଁ ତାଙ୍କର କୌଣସି ପତ୍ତା ମିଳି ନଥିଲା। ସନ୍ଧ୍ୟା ହୋଇଯିବାରୁ ପରିବାରବର୍ଗ ଓ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରିବାରେ ବିଫଳ ହୋଇଥିଲେ। ପରେ ପରିବାର ଲୋକେ ଗୋଶାଲା ଫାଣ୍ଡିରେ ଲିଖିତ ଏତଲା ଦେଇଥିଲେ।
