ପ୍ରୟାଗରାଜ : ମାଫିଆ ଡନ୍ ଅତିକ ଅହମ୍ମଦକୁ ସାବରମତି ଜେଲରୁ ନୈନି ଜେଲକୁ ସ୍ଥାନାନ୍ତର କରାଯାଇଛି । ଉଚ୍ଚ ସୁରକ୍ଷା ବଳୟ ମଧ୍ୟରେ ପ୍ରାୟ ୧୨୭୦ କିଲୋମିଟର ରାସ୍ତା ଯିବା ବେଳେ ଅହମ୍ମଦ ବାଟରେ ଶୋଇ ନଥିଲା ବୋଲି ଜଣାଯାଇଛି । ରାସ୍ତାରେ ତାକୁ ଏନକାଉଣ୍ଟର କରାଯିବା ଭୟରେ ସେ ରାତିସାରା ଶୋଇ ନଥିଲା ।ତେବେ ନୈନି ଜେଲରେ ପହଞ୍ଚିବା ପରେ ତାର ମୁହଁରେ ଶାନ୍ତିର ଚିହ୍ନ ଦେଖିବାକୁ ମିଳିଥିଲା । ଜେଲରେ ପହଞ୍ଚିବା ପରେ ତାର ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା । ତା’ର ଉଚ୍ଚତା, ଓଜନ ମାପ କରିବା ସହ ତାକୁ ପୂର୍ଣ୍ଣ ଭାବେ ଯାଞ୍ଚ କରାଯାଇଥିଲା । ଅହମ୍ମଦକୁ ଏକ କଡା ସୁରକ୍ଷିତ ବ୍ୟାରେକ୍ ରେ ରଖାଯାଇଛି ।
