କଟକ- ଦୂରଦର୍ଶନର ପୂର୍ବତନ ପୋଗ୍ରାମ ଏକ୍ସୁକେଟିଭ ସଚ୍ଚିଦାନନ୍ଦ ମହାନ୍ତିଙ୍କ ପରଲୋକ ହୋଇଯାଇଛି । ଗୁରୁବାର ଅପରାହ୍ନ ୪.୪୫ରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ । ମୃତ ଶଯ୍ୟା ନିକଟରେ ତାଙ୍କର ଝିଅ ଡକ୍ଟର ଅର୍ଣ୍ଣା ଅନନ୍ୟା, ଜ୍ୱାଇଁ ଡକ୍ଟର ଅଭିନବ ଏବଂ ପତ୍ନୀ ତଥା ଅବସରପ୍ରାପ୍ତ ଆରକ୍ଷୀ ନିରୀକ୍ଷକ ଆରତୀ ମିଶ୍ର ପ୍ରମୁଖ ଉପସ୍ଥିତ ଥିଲେ ।ସଚ୍ଚିଦାନନ୍ଦ ମହାନ୍ତି ଓଡ଼ିଆ ଚଳଚ୍ଚିତ୍ର ଧର୍ମ ଦେବତା, ଆଇଲଭୟୁ ସହ ଟେଲି ଚଳଚ୍ଚିତ୍ର ଧରଣାବତରଣ ଏବଂ ଅନେକ ସିରିଏଲ୍ , ଟେଲି ସିରିଏଲ୍ରେ ଅଭିନୟ କରିଛନ୍ତି । ତାଙ୍କର ମୃତ୍ୟୁରେ ଶରୀର ଓ ଅଙ୍ଗଦାନ ଅଧ୍ୟକ୍ଷ ଡକ୍ଟର ପ୍ରଭାସ ଆଚାର୍ଯ୍ୟ ଗଭୀର ଶୋକବ୍ୟକ୍ତ କରିଛନ୍ତି ।
ଦଧୀଚି ବିମାନରେ ତାଙ୍କ ମୃତ ଶରୀରକୁ ଏସିବି ମେଡିକାଲ୍ କଲେଜକୁ ନିଆଯାଇ ଦାନ କରାଯାଇଛି ।
