ନୟାଗଡ(ଓଡିଶା ସମାଚାର ନ୍ୟୁଜ): ନୟାଗଡରେ ପୁଣି ଏକ ନିଖୋଜ ଶିଶୁ ପୁତ୍ରର ମୃତଦେହ ଉଦ୍ଧାର ହୋଇଛି । ମୃତଦେହ ଉଦ୍ଧାର ହେବା ପରେ ସାରା ଜିଲ୍ଲାରେ ଏବେ ଭୟର ବାତାବରଣ ଦେଖା ଦେଇଛି।
ମିଳିଥିବା ଖବର ଅନୁଯାଇ, ନୟାଗଡ ଜିଲ୍ଲା ଖଣ୍ଡପଡା ଥାନା ଅନ୍ତର୍ଗତ କିଆଝର ଗାଁର ଲକ୍ଷ୍ମଣ ଲେଙ୍କାଙ୍କ ୬ ବର୍ଷର ଭିନ୍ନକ୍ଷମ ଶିଶୁ ପୁତ୍ର ମଙ୍ଗଳବାର ଅପରାହ୍ନରୁ ନିଖୋଜ ହୋଇଯାଇଥିଲା । ଶିଶୁଟି ନିଖୋଜ ଥିବା ନେଇ ପରିବାର ଲୋକ ଥାନାରେ ଏତଲା ଦେଇଥିଲେ । ଅଭିଯୋଗ ଭିତିରେ ପୋଲିସ ତଦନ୍ତ ଆରମ୍ଭ କରିଥିଲେ । ତେବେ ବୁଧବାର ଗାଁ ମହାଦେବ ମନ୍ଦିର ପୋଖରୀରୁ ଶିଶୁଟିର ମୃତଦେହ ମିଳିଛି । ମୃତଦେହ ମିଳିବା ପରେ ପରିବାର ଲୋକ ଶୋକରେ ଭାଙ୍ଗି ପଡିଛନ୍ତି। ସାରା ଗାଁରେ ମଧ୍ୟ ଭୟର ବାତାବରଣ ସୃଷ୍ଟି ହୋଇଛି ।
