କରୋନା ଭାଇରସ୍ ରୋଗର ପ୍ରସାରକୁ ରୋକିବା ପାଇଁ ଉତ୍ତରପ୍ରଦେଶ ସରକାର ଆସନ୍ତା ୨୪ ତାରିଖ ସକାଳ ୭ଟା ପର୍ଯ୍ୟନ୍ତ ରାଜ୍ୟରେ କରୋନା କର୍ଫ୍ୟୁ ଲାଗୁ ହୋଇଛି । ଏହି ସମୟରେ କରୋନା କର୍ଫ୍ୟୁ ଉଲ୍ଲଂଘନ ଅଭିଯୋଗରେ ଶୁକ୍ରବାର ଜଣେ ୧୭ ବର୍ଷର ବାଳକର ମୃତ୍ୟୁ ପରେ ଉତ୍ତରପ୍ରଦେଶର ଉନ୍ନାଓ ଜିଲ୍ଲାର ଦୁଇଜଣ ପୋଲିସ କନଷ୍ଟେବଳଙ୍କୁ ନିଲମ୍ବିତ କରାଯାଇଛି ଏବଂ ସେମାନଙ୍କ ବିରୋଧରେ ମାମଲା ରୁଜୁ ହୋଇଛି । ସୁଚନା ଅନୁସାରେ ରାଜଧାନୀ ଲକ୍ଷ୍ନୌ ଠାରୁ ପ୍ରାୟ ୬୫ କିଲୋମିଟର ଦୂରରେ ଥିବା ଉନ୍ନାଓର ବଙ୍ଗରମା ଟାଉନରେ ବାଳକ ତାଙ୍କ ଘର ବାହାରେ ପନିପରିବା ବିକ୍ରି କରୁଥିବା ବେଳେ ଏହି ଘଟଣା ଘଟିଥିଲା।ପୋଲିସର କାର୍ଯ୍ୟାନୂଷ୍ଠାନରେ ଉତ୍ତେଜିତ ହୋଇ ସ୍ଥାନୀୟ ଲୋକମାନେ ଲକ୍ଷ୍ନୌ ରୋଡ କ୍ରସିଂରେ ବିକ୍ଷୋଭ ପ୍ରଦର୍ଶନ କରି ଦୋଷୀଙ୍କ ବିରୋଧରେ କାର୍ଯ୍ୟାନୂଷ୍ଠାନରେ, ସରକାରୀ ଚାକିରୀ ଏବଂ ପୀଡିତାଙ୍କ ପରିବାରକୁ କ୍ଷତିପୂରଣ ଦାବି କରିଥିଲେ । ଏହି ଘଟଣାରେ ତୁରନ୍ତ ପ୍ରଭାବ ପକାଇ ଦୁଇ ଜଣ କନଷ୍ଟେବଳ ଏବଂ ଜଣେ ହୋମଗାର୍ଡଙ୍କୁ ନିଲମ୍ବିତ କରାଯାଇଛି ଏବଂ ଘଟଣାର ତଦନ୍ତ କରାଯିବ ବୋଲି ପୋଲିସ ସୂତ୍ରରୁ ପ୍ରକାଶ ପାଇଛି
