ଆଜିଠାରୁ ରାଜ୍ୟରେ ଲକଡାଉନ କଟକଣା କୋହଳ କରାଯିବ ବୋଲି ବିହାର ସରକାର ମଙ୍ଗଳବାର ଘୋଷଣା କରିଛନ୍ତି। ମୁଖ୍ୟମନ୍ତ୍ରୀ ନୀତିଶ କୁମାର ଘୋଷଣା କରିଛନ୍ତି ଯେ ସନ୍ଧ୍ୟା ୭ଟାରୁ ସକାଳ ୫ଟା ପର୍ଯ୍ୟନ୍ତ କର୍ଫ୍ୟୁ ରହିବ ଓ ବେସରକାରୀ ତଥା ସରକାରୀ କାର୍ଯ୍ୟାଳୟଗୁଡ଼ିକ ଅପରାହ୍ନ ୪ଟା ପର୍ଯ୍ୟନ୍ତ ୫୦ ପ୍ରତିଶତ କ୍ଷମତାରେ କାର୍ଯ୍ୟ କରାଯାଇପାରିବ। ‘ଲକଡାଉନ୍ କରୋନା ମାମଲାରେ ରୋକ ଲଗାଇବା ଉଦ୍ଦେଶ୍ୟରେ କରାଯାଇଥିଲା । ବର୍ତ୍ତମାନ ସଂକ୍ରମଣ କମ୍ ରହିଥିବାରୁ କଟକଣାକୁ କୋହଳ କରାଯିବ, ଯଦିଓ କିଛି ପ୍ରତିବନ୍ଧକ ରହିବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ସନ୍ଧ୍ୟା ୭ଟାରୁ ସକାଳ ୫ଟା ପର୍ଯ୍ୟନ୍ତ ରାତ୍ରି କର୍ଫ୍ୟୁ ଲାଗୁ ହେବ ବୋଲି ସେ ସ୍ପଷ୍ଟ କରିଛନ୍ତି। ସେ ଆହୁରି କହିଛନ୍ତି ଯେ ୫୦ ପ୍ରତିଶତ କର୍ମଚାରୀଙ୍କ ସହ ଘରୋଇ କାର୍ଯ୍ୟାଳୟ ଖୋଲିବାକୁ ଓ କାର୍ଯ୍ୟ କରିବାକୁ ଅନୁମତି ଦିଆଯିବ। ସରକାରୀ କାର୍ଯ୍ୟାଳୟଗୁଡିକ, ଯାହା ଏପର୍ଯ୍ୟନ୍ତ ୨୫ ପ୍ରତିଶତ କର୍ମଚାରୀ କାର୍ଯ୍ୟ କରୁଥିଲେ । ଉଭୟ ସରକାରୀ ଓ ବେସରକାରୀ କାର୍ଯ୍ୟାଳୟକୁ ଅପରାହ୍ନ ୪ଟା ଯାଏଁ ଚାଲିବାକୁ ଅନୁମତି ଦିଆଯିବ। ଦୋକାନଗୁଡିକ, ଯାହାକି ଅପରାହ୍ନ ୨ଟା ପର୍ଯ୍ୟନ୍ତ ଖୋଲା ରହିବାକୁ ଅନୁମତି ଦିଆଯାଇଛି, ବର୍ତ୍ତମାନଠାରୁ ସନ୍ଧ୍ୟା ୫ଟା ସୁଦ୍ଧା ସେମାନଙ୍କ ବନ୍ଦ ରଖିବାକୁ ନିଷ୍ପତ୍ତି ହୋଇଛି ।
