ଜାମ୍ମୁ-କାଶ୍ମୀର : ବୁଧବାର ସକାଳେ ଜାମ୍ମୁ କାଶ୍ମୀରର ପୁଲୱାମା ଜିଲ୍ଲାରେ ସୁରକ୍ଷା ବାହିନୀ ସହ ହୋଇଥିବା ଏହି ଗୁଳିକାଣ୍ଡରେ ପାକିସ୍ତାନୀ ଲଶ୍କର-ଏ-ତାଇବା କମାଣ୍ଡର ଆଇଜାଜ୍ ଆବୁ ହୁରାଇରାଙ୍କ ସହ ୨ ଜଣ ସ୍ଥାନୀୟ ଆତଙ୍କବାଦୀ ନିହତ। ମଙ୍ଗଳବାର ରାତିରେ ପୁଲୱାମା ସହରରେ ସୁରକ୍ଷା ବାହିନୀ କର୍ଡନ-ସର୍ଚ୍ଚ ଅପରେସନ ଆରମ୍ଭ କରିବା ପରେ ଏହି ଏନକାଉଣ୍ଟର ଆରମ୍ଭ ହୋଇଥିଲା।ସେଠାରେ ଆତଙ୍କବାଦୀଙ୍କ ଉପସ୍ଥିତି ସମ୍ପର୍କରେ ସୂଚନା ପାଇବା ପରେ ଏହି ଅପରେସନ୍ ଆରମ୍ଭ କରାଯାଇଥିଲା ବୋଲି ନ୍ୟୁଜ୍ ଏଜେନ୍ସି ପିଟିଆଇ ଅନୁଯାୟୀ ଜଣେ ପୋଲିସ ଅଧିକାରୀ କହିଛନ୍ତି। ଆତଙ୍କବାଦୀମାନେ ଏହାର ପ୍ରତିଶୋଧ ନେଇ ସୁରକ୍ଷା ବାହିନୀ ଉପରେ ଗୁଳି ଚଳାଇବା ପରେ ସର୍ଚ୍ଚ ଅପରେସନ ଏକ ଏନକାଉଣ୍ଟରରେ ପରିଣତ ହୋଇଥିବା ସେ କହିଛନ୍ତି।ଅସ୍ତ୍ରଶସ୍ତ୍ର ଏବଂ ଗୁଳି ଜବତ କରାଯାଇଛି ଏବଂ ସର୍ଚ୍ଚ ଅପରେସନ ଚାଲିଥିବା ସେ ସୂଚନା ଦେଇଛନ୍ତି।
