ନୁଆଦିଲ୍ଲୀ, ସେପ୍ଟେମ୍ବର ୧୮ : ଲଗାତାର ଦୁଇ ଦିନ ମୁମ୍ବାଇ ସ୍ଥିତ ବାସଭବନ ଏବଂ ଅନ୍ୟ ସ୍ଥାନମାନଙ୍କରେ ତଲାସି କରିବା ପରେ ଅଭିନେତା ସୋନୁ ସୁଦ ୨୦ କୋଟିରୁ ଉର୍ଦ୍ଧ ଟଙ୍କାର ଟିକସ ଫାଙ୍କିଥିବା ଆୟକର ବିଭାଗ ସୂଚନା ଦେଇଛି । ଏହା ସହିତ ବୈଦେଶିକ ଯୋଗଦାନ ନିୟମାବଳୀ (ଏଫସିଆରଏ) ଉଲ୍ଲଂଘନ କରି ସୋନୁ ସୁଦ ୨.୧ କୋଟି ଟଙ୍କାର ପାଣ୍ଠି ବିଦେଶୀ ପାଣ୍ଠିରୁ ବିଦେଶୀ ଦାତାମାନଙ୍କ ଦ୍ୱାରା (ବିଦେଶୀ ଯୋଗଦାନ ନିୟାମକ ଅଧିନିୟମ) ‘ଏଫସିଆରଏ’ ନିୟମକୁ ଉଲ୍ଲଂଘନ କରି ‘କ୍ରାଉଡ ଫଣ୍ଡିଂ’ ମାଧ୍ୟମରେ ସଂଗ୍ରହ କରାଯାଇଛି।
ମୁମ୍ବାଇର ସୋନୁଙ୍କ ବାସଭବନ ଏବଂ ଲକ୍ଷ୍ନୌ ଭିତ୍ତିକ ରିଏଲ୍ ଇଷ୍ଟେଟ୍ ଗ୍ରୁପ୍ରେ ଆୟକର ବିଭାଗ ତଲାସି କରିଥିଲା। ଦୁଇ ଦିନ ମଧ୍ୟରେ ମୁମ୍ବାଇ, ଲକ୍ଷ୍ନୌ, କାନପୁର, ଜୟପୁର, ଦିଲ୍ଲୀ ଏବଂ ଗୁରୁଗ୍ରାମରେ ମୋଟ ୨୮ ଟି ସ୍ଥାନରେ ଆୟକର ବିଭାଗ ଦ୍ୱାରା ଖୋଜାଖୋଜି କରାଯାଇଥିଲା।
ଟିକସ ବିଭାଗ ଏକ ବିବୃତ୍ତିରେ କହିଛି ଯେ ଅଭିନେତାଙ୍କୁ ତାଙ୍କ ଆକଉଣ୍ଟକୁ ବହୁ ସ୍ରୋତରୁ ବେନିୟମ ଭାବରେ ଅର୍ଥ କାରବାର ହୋଇଥିବା ନେଇ ପ୍ରମାଣ ମିଳିଥିବା ଏଜେନ୍ସି ପକ୍ଷରୁ କୁହାଯାଇଛି । ଏପର୍ଯ୍ୟନ୍ତ ଅନୁସନ୍ଧାନ ଦ୍ୱାରା ଏହିପରି କୋଡ଼ିଏଟି ଏଣ୍ଟ୍ରିର ବ୍ୟବହାର ପ୍ରକାଶ ପାଇଛି, ଯାହାର ପ୍ରଦାନକାରୀମାନେ ତଦନ୍ତ ସମୟରେ ସ୍ୱୀକାର ମଧ୍ୟ କରିଛନ୍ତି। ନଗଦ ବଦଳରେ ସେମାନେ ଚେକ୍ ପ୍ରଦାନ କରିବାକୁ ଗ୍ରହଣ କରିଛନ୍ତି। ଏପରି ଏକ ଘଟଣା ଘଟିଛି ଯେଉଁଠାରେ ଟିକସ ଛାଡ ଉଦ୍ଦେଶ୍ୟରେ ପେସାଦାର ରସିଦ ଖାତା ପୁସ୍ତକରେ ଋଣ ଭାବରେ ଦର୍ଶାଯାଇଛି । ବର୍ତ୍ତମାନ ସୁଦ୍ଧା ଟିକସ ଫାଙ୍କ ହୋଇଥିବା ମୋଟ ଟିକସ ପରିମାଣ ୨୦ କୋଟିରୁ ଅଧିକ ବୋଲି ଆୟକର ବିଭାଗ କହିଛି।