ନୁଆଦିଲ୍ଲୀ, ସେପ୍ଟେମ୍ବର ୨୪ : ଓଡ଼ିଶା ସରକାରଙ୍କ ଦ୍ୱାରା ଦାଖଲ ହୋଇଥିବା ଏକ ସ୍ୱତନ୍ତ୍ର ଏସଏଲପି ଉପରେ ଶୁଣାଣି କରି ବଂଶଧାରା ଜଳ ବିବାଦ ସମ୍ପର୍କରେ ସୁପ୍ରିମକୋର୍ଟ ଆନ୍ଧ୍ରପ୍ରଦେଶ ସରକାରଙ୍କୁ ଏକ ବିଜ୍ଞପ୍ତି ଜାରି କରିଛନ୍ତି। ଟ୍ରିବ୍ୟୁନାଲଙ୍କ ଆଦେଶ ବିରୋଧରେ ଓଡିଶା ସରକାର ଏସଏଲପି ଦାଖଲ କରିଥିଲେ। ସୁପ୍ରିମକୋର୍ଟ ଏକ ଶୁଣାଣି କରି ଆନ୍ଧ୍ରପ୍ରଦେଶ ସରକାରଙ୍କୁ ନୋଟିସ ଜାରି କରିଥିଲେ।
ଉଭୟଙ୍କ ମଧ୍ୟରେ ନଦୀ ବିବାଦ ସମ୍ବନ୍ଧୀୟ ସୁପ୍ରିମକୋର୍ଟ ଉଭୟ ରାଜ୍ୟକୁ ନଦୀ ବିବାଦ ସମ୍ବନ୍ଧୀୟ ସମସ୍ତ ଦସ୍ତାବିଜ କୁ ନେଇ ଏକ ସାଧାରଣ ସଂକଳନ ପ୍ରସ୍ତୁତ କରିବାକୁ କହିଛନ୍ତି। ୨୦୧୭ ଏବଂ ୨୦୧୮ ରେ ପାରିତ ହୋଇଥିବା ବଂଶଧାରା ଟ୍ରିବ୍ୟୁନାଲର ଦୁଇଟି ଆଦେଶ ବିରୁଦ୍ଧରେ ଓଡିଶା ସରକାରଙ୍କ ଦ୍ୱାରା ଦାଖଲ ହୋଇଥିବା ଉଭୟ ଆବେଦନକୁ ମଧ୍ୟ ଏସସି ଟ୍ୟାଗ୍ କରିଛନ୍ତି ।
ଗୋଟିଏ ସମୟରେ ଶୁଣାଣି ପାଇଁ ସୁପ୍ରିମକୋର୍ଟ ସମସ୍ତ ତିନୋଟି ଏସଏଲପି ଗ୍ରହଣ କରିବାର ସମ୍ଭାବନା ରହିଛି। ପରବର୍ତ୍ତୀ ଶୁଣାଣି ୧୧ ନଭେମ୍ବର ୨୦୨୧ ପାଇଁ ଧାର୍ଯ୍ୟ କରାଯାଇଛି।
