ନୂଆଦିଲ୍ଲୀ, ୧୯/୧୧: ମୁଖ୍ୟମନ୍ତ୍ରୀଙ୍କ ଝିଅଙ୍କୁ ନେଇ ଆପତ୍ତିଜନକ ଟିପ୍ପଣୀକୁ ବିରୋଧ କରି ସାଂସଦଙ୍କ ଘର ଉପରେ ଆକ୍ରମଣ। ଏଭଳି ଘଟଣା ଦେଖିବାକୁ ମିଳିଛି ତେଲଙ୍ଗାନାରେ। ଯେଉଁଠାରେ ଟିଆରଏସ କର୍ମୀ ଭାରତୀୟ ଜନତା ପାର୍ଟୀ (ବିଜେପି) ସାଂସଦ ଧର୍ମପୁରୀ ଅରବିନ୍ଦଙ୍କ ଘର ଉପରେ ଆକ୍ରମଣ କରିଛନ୍ତି। ଅରବିନ୍ଦ ତେଲଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓଙ୍କ ଝିଅକୁ ନେଇ ଆପତ୍ତିଜନକ ଟିପ୍ପଣୀ କରିଥିଲେ। ବିଜେପି ସାଂସଦ ଏକ ଭିଡିଓରେ ଟିଆରଏସଙ୍କ କର୍ପୋରେଟର କବିତାଙ୍କ ବିରୋଧରେ ଆପତ୍ତିଜନକ ବୟାନ ଦେଇ ସତ୍ତାରେ ଥିବା ପାର୍ଟୀକୁ ଟାର୍ଗେଟ୍ କରିଥିଲେ। ଯାହା ପରେ ତାଙ୍କ ଘର ଉପରେ ଆକ୍ରମଣ ହୋଇଛି। ରାଜ୍ୟର ରାଜ୍ୟପାଳ ତିମିଳିସାଇ ସୁନ୍ଦରରାଜନ ଘଟଣାକୁ ନେଇ ଚିନ୍ତା ପ୍ରକାଶ କରିବା ସହ ଡିଜିପିଙ୍କଠାରୁ ଘଟଣା ବିଷୟରେ ପ୍ରାଥମିକତା ଆଧାରରେ ବିସ୍ତୃତ ରିପୋର୍ଟ ଦେବାକୁ କହିଛନ୍ତି। ନିଜାମାବାଦ ଲୋକସଭା କ୍ଷେତ୍ର ସାଂସଦ ଅରବିନ୍ଦଙ୍କ ଘର ଉପରେ ଟିଆରଏସ ପତାକା ଏବଂ ସ୍କାର୍ଫ ପିନ୍ଧିଥିବା ଲୋକେ ଆକ୍ରମଣ କରିଥିଲେ। ସେମାନେ ବିଜେପି ନେତାଙ୍କ କୁଶପୁତ୍ତଳିକା ଦାହ ମଧ୍ୟ କରିଥିଲା। ବିଜେପି ନେତା ଘଟଣାକୁ ନିନ୍ଦା କରିବା ସହ ଶାସନରେ ଥିବା ଦଳ ଏଭଳି କରିଥିବା ନେଇ କହିଥିଲେ। ସାଂସଦଙ୍କ ଜଣେ ବ୍ୟକ୍ତି କହିଛନ୍ତି ଯେ ଆକ୍ରମଣକାରୀ ସାଂସଦଙ୍କ ବାସଭବନରେ ମୂର୍ତ୍ତି ଏବଂ କାର୍ କ୍ଷତିଗ୍ରସ୍ତ କରିଛନ୍ତି। ପୋଲିସ ଏହି ମାମଲାରେ ପ୍ରାୟ ୫୦ ଅଜଣା ଲୋକଙ୍କ ବିରୋଧରେ ମାମଲା ରୁଜୁ କରିଛି। ଜଣେ ପୋଲିସ ଅଧିକାରୀଙ୍କ କହିବା ଅନୁଯାୟୀ ୮ ଜଣକୁ ହେପାଜତକୁ ନିଆଯାଇଛି।
