ଭୁବନେଶ୍ୱର, ଡିସେମ୍ବର ୨୦ : ଜାତୀୟ କୃଷି ଏବଂ ଗ୍ରାମୀଣ ବିକାଶ ବ୍ୟାଙ୍କ (ନାବାର୍ଡ) ଗ୍ରାମୀଣ ଭିତ୍ତିଭୂମି ବିକାଶ ପାଣ୍ଠି (ଆରଡିଏଫ୍) ଅଧୀନରେ ଓଡିଶା ସରକାରଙ୍କୁ ୮୦୩ କୋଟି ଟଙ୍କା ମଞ୍ଜୁର କରିଛି ବୋଲି ଅଧିକାରୀମାନେ ସୋମବାର କହିଛନ୍ତି। ୨୭ ଟି ଜିଲ୍ଲାର ଗ୍ରାମାଞ୍ଚଳରେ ୨୦୦ ଟି ସେତୁ ନିର୍ମାଣ ପାଇଁ ନାବାର୍ଡ ୪୭୧ କୋଟି ଟଙ୍କା ମଞ୍ଜୁର କରିଥିବାବେଳେ ଚାରିଟି ଜିଲ୍ଲାରେ ୬ ଟି ବନ୍ୟା ସୁରକ୍ଷା ପ୍ରକଳ୍ପ ନିର୍ମାଣ ପାଇଁ ୩୨ କୋଟି ଟଙ୍କା ଆବଣ୍ଟନ କରାଯାଇଛି ବୋଲି ଓଡିଶା ଆଞ୍ଚଳିକ ମୁଖ୍ୟ ପରିଚାଳକ ସି ଉଦୟଭାସକର କହିଛନ୍ତି। ସେହିପରି ନୟାଗଡ଼ ଜିଲ୍ଲାରେ କୁସୁମୀ ଜଳସେଚନ ପ୍ରକଳ୍ପ ନିର୍ମାଣ ପାଇଁ ଆଉ ୩୦୦ କୋଟି ଟଙ୍କା ମଞ୍ଜୁର କରାଯାଇଛି ବୋଲି ସେ କହିଛନ୍ତି। ମୋଟ ଦୈର୍ଘ୍ୟ ୭,୪୩୯.୧୦ କିଲୋମିଟର ବିଶିଷ୍ଟ ଏହି ସେତୁ ପ୍ରକଳ୍ପଗୁଡିକ ୧,୨୯୧ ଗାଁରେ ୧୪.୨୧ ଲକ୍ଷ ଲୋକଙ୍କ ପାଇଁ ଗ୍ରାମାଞ୍ଚଳର ଯୋଗାଯୋଗରେ ଉନ୍ନତି ଆଣିବ ବୋଲି ବନ୍ୟା ପ୍ରକଳ୍ପ ୬୭ ଟି ଗାଁର ୧ ଲକ୍ଷ ଲୋକଙ୍କୁ ଉପଦ୍ରବରୁ ସୁରକ୍ଷା ଯୋଗାଇ ଦେବ ବୋଲି ଉଦୟଭାସକର କହିଛନ୍ତି। ଅଧିକନ୍ତୁ, କୁସୁମୀ ଜଳସେଚନ ପ୍ରକଳ୍ପ ୪୯ ଟି ଗାଁରେ ୩,୭୪୫ ହେକ୍ଟର ପାଇଁ ନିଶ୍ଚିତ ଜଳସେଚନ ଯୋଗାଇବ, ଯାହାଦ୍ୱାରା ୧୫ ଲକ୍ଷ ଲୋକ ଉପକୃତ ହେବେ । ଏହି ମଞ୍ଜୁରୀ ସହିତ, ଆରଡିଏଫ୍ (୨୦୨୧-୨୨) ଅଧୀନରେ ସଂପୂର୍ଣ୍ଣ ମଞ୍ଜୁରୀ ୨,୭୮୧ କୋଟିରେ ପହଁଞ୍ଚିଛି ବୋଲି ସେ କହିଛନ୍ତି।
