କୋଚି ୦୭/୦୩ : ଶେଷରେ ବନ୍ଧାହେଲେ ଜଣାଶୁଣା ଟାଟୁ ଆର୍ଟିଷ୍ଟ ସୁଜିଶ ପି ଏସ୍ । ଯୌନ ନିର୍ଯାତନା ଅଭିଯୋଗ ଆସିବା ପରେ କେରଳ ପୋଲିସ ଶନିବାର ବିଳମ୍ବିତ ରାତିରେ କୋଚିରୁ ଗିରଫ କରିଛି । ଏହାକୁ ନିଶ୍ଚିତ କରି କୋଚି ପୋଲିସ କମିଶନର ନାଗାରାଜୁ ଚକଲାମ କହିଛନ୍ତି ଯେ ତାଙ୍କ ବିରୋଧରେ ୬ଟି ମାମଲା ରୁଜୁ ହୋଇଛି । ଗତ ସପ୍ତାହରେ ଟାଟୁ ଷ୍ଟୁଡିଓରେ ଜଣେ ୧୮ ବର୍ଷର ଝିଅ ଯୌନ ନିର୍ଯାତନାର ଶିକାର ହେବା ନେଇ ସୋସିଆଲ ମିଡିଆରେ ସେୟାର କରିଥିଲେ । ଏହା ପରେ ଅଭିଯୁକ୍ତ ଜଣଙ୍କ ଗତ ୪ ଦିନ ଧରି କୁଆଡେ ଫେରାର୍ ହୋଇଯାଇଥିଲେ । ପୋଲିସ ଅଭିଯୋଗ ଆଧାରରେ ସ୍ୱତନ୍ତ୍ର ଅନୁସନ୍ଧାନକାରୀ ଦଳ ଗଠନ କରି ତଦନ୍ତ କରିଥିଲେ । ପୋଲିସ କହିଛି ଯେ ଏପର୍ଯ୍ୟନ୍ତ ଆମେ ୬ଟି ମାମଲା ପଞ୍ଜିକୃତ କରିଛୁ । ଅଭିଯୋଗ ଆସିବା ପରେ ସେ ତାଙ୍କ ଷ୍ଟୁଡିଓ ବନ୍ଦ କରି ପଳାଇ ଯାଇଥିଲେ । ଆମର ଦଳ ତାଙ୍କ ଗତିବିଧି ଉପରେ ନଜର ରଖିଥିଲେ । ଶନିବାର ରାତିରେ ତାଙ୍କୁ ଅନୁସନ୍ଧାନ ମିଳିଥିଲା । ଗତ ସପ୍ତାହରେ ସୋସିଆଲ ମିଡିଆରେ ଏହି ଅଭିଯୋଗ ଆସିଥିଲା ଯେ ଜଣେ ୧୮ ବର୍ଷର ନିର୍ଯାତନା ନେଇ କିଛି ଅଭିଯୋଗ କରିଛନ୍ତି । ତାଙ୍କର ପୋଷ୍ଟ ସୋସିଆଲ ମିଡିଆ ପ୍ଲାଟଫର୍ମରେ ବହୁଳ ଭାବରେ ଭାଇରାଲ ହୋଇଥିଲା ।
